கோவையில் பலியான இலங்கை தாதா..! கொலையா இயற்கை மரணமா..? ஆதார் உள்ளிட்ட போலி ஆவணங்கள் பெற்றதும் அம்பலம்..!

2 August 2020, 10:57 pm
Ankoda_Lokka_UpdateNews360
Quick Share

இலங்கையின் நிழல் உலக தாதா அங்கோடா லோக்காவின் மரணத்தை கோயம்புத்தூர் போலீசார் இன்று உறுதிப்படுத்தினர். ஜூலை 3’ம் தேதி இறந்த பின்னர், குற்றவாளியின் அடையாள ஆவணங்களை மோசடி செய்து, மதுரையில் தகனம் செய்ததாக ஒரு ஆண் மற்றும் இரண்டு பெண்கள் கைது இந்த விவகாரத்தில் கைது செய்யப்பட்டனர். 

இலங்கை காவல்துறையினரால் இரண்டு வருடங்களாக அங்கோடா லோக்கா தேடப்பட்டு வந்த நிலையில், அவர் கடந்த இரண்டு ஆண்டுகளாகவே கோவையில் ஒளிந்து கொண்டிருந்ததாக கூறப்படுகிறது.

இந்த விவகாரத்தில் தொடர்புடைய இரண்டு பெண்களில் ஒருவர் இலங்கை நாட்டைச் சேர்ந்தவர் என தெரிய வந்துள்ளது. கோயம்புத்தூர் நகர காவல்துறையினரால் அவர் இன்று கைது செய்யப்பட்டார். அந்த நபர் ஈரோட்டில் இருந்து ஆர். பிரதீப் சிங் என்ற பெயரில் ஒரு ஆதார் அட்டை உள்ளிட்ட போலி அடையாள ஆவணங்களை உருவாக்கியதாக கைது செய்யப்பட்டார்.

ஜூலை 3’ம் தேதி இலங்கை தாதா மாரடைப்பு காரணமாக மரணமடைந்த பிறகு, மூவரும் அவரது உடலை தகனம் செய்ய மறுநாள் போலி ஆவணங்களை சமர்ப்பித்ததாக ஒரு போலீஸ் அறிக்கை தெரிவித்துள்ளது.

கைது செய்யப்பட்ட நபர்கள் மதுரை மாவட்டம் பாசிங்கபுரம் அருகே ஹால் நகர் கட்டம் 1’ஐச் சேர்ந்த தினகரனின் மனைவி சிவகாமி சுந்தரி, போலி ஆவணங்களைப் பெற உதவிய ஈரோடு தியானேஷ்வரன் மற்றும் இலங்கையின் கொழும்புவைச் சேர்ந்த தஞ்சி அர்ஜனின் மகள் அமானி தஞ்சி முகரியா என தெரிய வந்துள்ளது. இலங்கை பெண் முகாரியா கோயம்புத்தூரில் அங்கோடா லோக்காவுடன் வசித்து வந்ததாக கூறப்படுகிறது.

இந்த மூவர் மீதும் ஐபிசியின் 120 பி, 177, 182, 202, 212, 417, 419, 466, 468 மற்றும் 471 ஆகிய பிரிவுகளின் கீழ் வழக்குப் பதிவு செய்யப்பட்டு நீதிமன்றக் காவலில் வைக்கப்பட்டுள்ளதாக போலீசார் தெரிவித்தனர்.

பின்னர் அங்கோடா லோக்கா என்று கண்டறியப்பட்ட நபர் ஜூலை 3’ஆம் தேதி இரவு மயக்க நிலையில் கோயம்புத்தூர் மருத்துவக் கல்லூரி மருத்துவமனைக்கு கொண்டு செல்லப்பட்டதாக போலீசார் தெரிவித்தனர். கோயம்புத்தூரில் உள்ள காளப்பட்டி சாலையில் சேரன் மாநகர் அருகே உள்ள கிரீன் கார்டனைச் சேர்ந்தவர் ஆர்.பிரதீப் சிங் என்று பெண்கள் கூறியதோடு, அவர்கள், அவருடைய உறவினர்கள் என்று அதிகாரிகளிடம் தெரிவித்தனர்.

திடீரென ஏற்பட்ட மாரடைப்பு காரணமாக அவர் வீட்டில் மயக்கம் அடைந்ததாக அவர்கள் கூறினர். சி.ஆர்.பி.சி.யின் 174’வது பிரிவின் கீழ் பீளமேடு போலீசார் வழக்குப் பதிவு செய்தனர். பிரேத பரிசோதனையைத் தொடர்ந்து அவரது போலி ஆதார் அட்டை விவரங்களை சமர்ப்பித்த பின்னர் அவர்கள் உடலைப் பெற்றனர். அப்போதே ஆவணங்களை முறையாக சரிபார்க்க போலீசார் தவறிவிட்டதாக கூறப்படுகிறது.

இதற்கிடையில், கோயம்புத்தூரில் அங்கோடா லோக்கா கொலை செய்யப்பட்டு அடக்கம் செய்யப்பட்டார் என்ற உளவுத்துறை அறிக்கையின் அடிப்படையில், மேலதிக விசாரணைக்கு இலங்கை போலீசார் தமிழக போலீஸை அணுகினர்.

இதன் அடிப்படையில், நகர காவல்துறையினர் வழக்கை மீண்டும் விசாரித்த போது, ​​பெண்கள் சமர்ப்பித்த ஆவணங்கள் போலியானவை என்றும் அவர்கள் அங்கோடா லோக்காவை, பிரதீப் சிங் என்று கூறியதும் கண்டறியப்பட்டது. உடலைப் பெற்ற பின்னர் அவர்கள் அதை மறுநாள் மதுரையில் தகனம் செய்ததாக போலீஸ் வட்டாரங்கள் தெரிவித்தன.

பிரேத பரிசோதனைக்குப் பிறகு, உள்ளுறுப்பு பரிசோதனைக்கு மாதிரிகள் அனுப்பப்பட்டன. சோதனை முடிவுகள் வந்த பின்னரே, அவர் மாரடைப்புக் காரணமாக இறந்தாரா அல்லது கொலை செய்யப்பட்டாரா என்ற எந்தவொரு முடிவுக்கும் அவர்கள் வர முடியும் என்று போலீஸ் வட்டாரங்கள் தெரிவித்தன.

கைது செய்யப்பட்ட நபர்களுடனான முதற்கட்ட விசாரணையின் அடிப்படையில், இறந்தவர் இலங்கையின் கொழும்பின் கோட்டிகாவட்டாவைச் சேர்ந்த மத்துமகே சந்தனா லசந்தா பெரேரா எனும் அங்கோடா லோக்கா என்று அறிந்ததாக போலீசார் தெரிவித்தனர். 

இரண்டு ஆண்டுகளுக்கு முன்பு கோவைக்கு வந்து சேரன் மாநகரில் ஒரு வாடகை வீட்டில் வசித்து வந்தார். அவர் உணவு டெலிவரி செய்யும் தொழிலை நடத்தி வந்தார். மார்ச் மாதம் கொழும்பிலிருந்து கோவைக்கு வந்த தனது காதலி அமானி தன்ஜியுடன் வசித்து வந்தார். சிவகாமி சுந்தரி மற்றும் தியானேஷ்வரன் மூலமாக ஆதார் அட்டை மற்றும் குடியுரிமை ஆவணங்கள் உள்ளிட்ட போலி ஆவணங்களை அவர் பெற்றுள்ளார் என்று போலீசார் தெரிவித்தனர்.

இலங்கை போலீஸ் உளவுத்துறையின் படி, ஜூலை தொடக்கத்தில் இந்தியாவில் அங்கோடா லோக்கா விஷம் கொடுத்து கொல்லப்பட்டார் எனக் கூறப்படுகிறது. அவரது சகோதரிகளில் ஒருவர் வீடியோ ஸ்ட்ரீமிங் மூலம் இறுதிச் சடங்குகளைப் பார்க்க அனுமதிக்கப்பட்டார். அவருடன் இந்தியாவில் வசித்து வந்த ஒரு பெண்ணைப் பயன்படுத்தி அவரை படுகொலை செய்ய அவரது போட்டியாளர்கள் திட்டமிட்டிருந்தனர். அவர்களே அங்கோடாவுக்கு விஷம் கொடுத்ததாகக் கூறப்படுகிறது.

போலி ஆவணங்கள் மூலம் கோவையில் தொழில் நடத்தி தலைமறைவாக இருந்த அங்கோடா லோக்கா குறித்த தகவலையறிந்து கோவையில் திடீர் பரபரப்பு ஏற்பட்டுள்ளது.

Leave a Reply