திமுகவை நம்பினால் ஒரு ஊருக்கு 2 வீடுகள் மட்டும்தான் இருக்கும் : பாஜக வேட்பாளர் அண்ணாமலை பிரச்சாரம்..!!!

29 March 2021, 4:58 pm
annamalai - updatenews360
Quick Share

கரூர் : திமுகவினர் பொய்ப் பிரச்சாரத்தை நம்பி வாக்களித்தால் 5 வருடங்களுக்குப் பிறகு ஒரு ஊருக்கு இரண்டு வீடுகள் மட்டுமே இருக்கும் என்றும், ஏனென்றால் அனைவரும் இந்த ஊரை காலி செய்து விட்டு சென்று விடுவார்கள் என அரவக்குறிச்சி சட்டமன்ற தொகுதி வேட்பாளர் அண்ணாமலை தெரிவித்துள்ளார்.

கரூர் மாவட்டம் அரவக்குறிச்சி சட்டமன்றத் தொகுதி அதிமுக கூட்டணியில் அங்கம் வகிக்கும் பாஜக வேட்பாளர் அண்ணாமலை கா. பரமத்தி ஒன்றியத்துக்கு உட்பட்ட கோடந்தூர், வெட்டுகட்டுவலசு, வடகரை உள்ளிட்ட பல்வேறு பகுதிகளில் வாக்கு சேகரிக்க சென்றார். அப்போது, பொதுமக்கள் ஆரத்தி எடுத்து உற்சாக வரவேற்பு அளித்தனர். அங்கு அவர் பேசியதாவது :- நானும், ஒரு விவசாயி. இதே பகுதியைச் சார்ந்தவர் தான். உறுதியாக ஒன்று சொல்கிறேன். அரவக்குறிச்சி தொகுதியில் மீண்டும் திமுகவிற்கு ஓட்டளித்து வெற்றி பெற செய்தால், கோமணம் கட்டும் நிலைமை விவசாயிகளுக்கு வரும்.

சட்டமன்ற உறுப்பினரின் வேலை என்னவென்றால், ஐந்து வருடங்களுக்கு எங்கிருந்து நிதிகளைக் கொண்டு வரவேண்டும். தண்ணீர் எங்கிருந்து கொண்டு வர வேண்டும். விவசாயத்திற்கு எங்கிருந்து தண்ணீர் கொண்டு வரவேண்டும். குடிநீருக்கு எங்கிருந்து தண்ணீர் கொண்டுவர வேண்டும். இதுதான் சட்டமன்ற உறுப்பினரின் வேலை. மேலும், திமுக எம்எல்ஏ செந்தில் பாலாஜி தற்போது கரூர் சட்டமன்ற தொகுதி வேட்பாளராக அங்கே பிரச்சாரத்தின்போது வீட்டு வீட்டிற்கு வேலை தருவதாக பொய்யான வாக்குறுதிகளை கூறி வருகிறார். அதனால், இந்த முறை யாருக்கு வாக்களிக்க வேண்டும் என்பதை யோசித்து வாக்களிக்க வேண்டும்.

திமுகவினர் சமூக நீதி என்று சொல்வார்கள். முதல்முறையாக இஸ்லாமியரை குடியரசுத் தலைவர் ஆக்கியது பாஜக கட்சி தான். பிஜேபி இஸ்லாமியருக்கு எதிரான கட்சி பிஜேபி என்று பொய்யான விமர்சங்களை செய்து வரும் திமுக மற்றும் காங்கிரஸ் இஸ்லாமியரை குடியரசுத் தலைவர் ஆக்கியது பிஜேபி தான். தற்பொழுது இருக்கும் குடியரசுத் தலைவர் கூட தலித் சமுதாயத்தைச் சார்ந்தவர் தான். அவரை குடியரசுத்தலைவர் ஆக்கியதும் பிஜேபி தான். திமுகவினர் சமூகநீதிப் போராளிகள் என கூறி வருகின்றனர். ஆனால் தாழ்த்தப்பட்ட சமுதாயத்தைச் சார்ந்த ஒருவர் கூட மாவட்ட செயலாளராக நியமித்து இல்லை.

திமுகவினர் ஒரு எம்எல்ஏ கூட முஸ்லிம் சமுதாயத்தை சார்ந்தவர்களுக்கு தற்பொழுது நடைபெறும் சட்டமன்ற தொகுதியில் வேட்பாளராக அறிவிக்க வில்லை. கூட்டணி வேட்பாளராக முஸ்லிம்கள் இருக்கலாம். ஆனால் திமுக வேட்பாளர் முஸ்லிம் சமுதாயத்தைச் சார்ந்தவர்கள் எவருமில்லை. திமுகவினர் பொய்ப் பிரச்சாரத்தை நம்பி வாக்களித்தால் 5 வருடங்களுக்குப் பிறகு ஒரு ஊருக்கு இரண்டு வீடுகள் மட்டுமே இருக்கும். ஏனென்றால் அனைவரும் இந்த ஊரை காலி செய்து விட்டு சென்று விடுவார்கள். எனவே, பொதுமக்கள் சிந்தித்து வாக்களிக்க வேண்டும். அதிமுக கூட்டணியில் அரவக்குறிச்சி தொகுதியில் பாஜகவிற்கு வாக்களிக்கும் பட்சத்தில், அரவக்குறிச்சி தொகுதியில் மாற்றங்களை கொண்டு வரப்படும். எனவே, அனைவரும் பாஜகவிற்கு தாமரை சின்னத்திற்கு வாக்களியுங்கள், என்று தெரிவித்தார்.

Views: - 22

0

0