மீண்டும் உச்சத்தை தொட்டது தங்கம் விலை… ரூ.46 ஆயிரத்தை கடந்து விற்பனை… வெள்ளி விலையும் எகிறியதால் அதிர்ச்சி..!!

மீண்டும் உச்சத்தை தொட்டது தங்கம் விலை… ரூ.46 ஆயிரத்தை கடந்து விற்பனை… வெள்ளி விலையும் எகிறியதால் அதிர்ச்சி..!!

தங்கம் விலையில் நாளுக்கு நாள் ஏற்றம், இறக்கம் காணப்படுவதுண்டு. பெண்களை பொறுத்தவரையில் பெரும்பாலும் தங்களது முதலீடுகளை தங்கத்தில் தான் செலுத்துவதுண்டு. எனவே, தங்கம் விலையில் ஏற்படக்கூடிய மாற்றத்தை பெண்கள் உற்று கவனிப்பதுண்டு.

பங்குசந்தை ஏற்றம் இறக்கம் கண்டால், தங்கம் விலையிலும் மாற்றம் ஏற்படும். ஆனால், கடந்த வாரம் குறைந்து வந்த தங்கம் விலை, இஸ்ரேல் – ஹமாஸ் போர் காரணமாக கிடுகிடுவென உயர்ந்தது.

சென்னையில் தங்கம் விலை நேற்று சவரனுக்கு ரூ.40 குறைந்த நிலையில், இன்று மீண்டும் விலை உயர்ந்துள்ளது. அதன்படி சென்னையில் 22 காரட் ஆபரண தங்கத்தின் விலை கிராமுக்கு ரூ.20 உயர்ந்து ஒரு கிராம் ரூ.5,755-க்கும், சவரனுக்கு ரூ.160 அதிகரித்து ஒரு சவரன் ரூ.46,040-க்கு விற்பனை செய்யப்படுகிறது. 18 காரட் ஆபரண தங்கத்தின் விலை கிராமுக்கு ரூ.16 உயர்ந்து ஒரு கிராம் ரூ.4,714க்கும், ஒரு சவரனுக்கு ரூ.128 உயர்ந்து ரூ. 37,712க்கும் விற்பனை செய்யப்படுகிறது.

வெள்ளி விலை கிராமுக்கு ரூ.1 உயர்ந்து கிராம் வெள்ளி ரூ.80.20க்கும், கிலோவுக்கு ரூ.1000 அதிகரித்து வெள்ளி ரூ.80,200 ஆகவும் விற்பனை செய்யப்படுகிறது.