கோவை அருகே 14 வயது சிறுமிக்கு குழந்தை திருமணம் : சைல்டு லைன் அமைப்பினர் விசாரணை!!

Author: Udayachandran RadhaKrishnan
22 August 2021, 10:19 am
Child Marriage - Updatenews360
Quick Share

திருப்பூர் : கோவையில் நடைபெற்ற குழந்தை திருமணம் குறித்து பெற்றோர்களிடம் அரசு அதிகாரிகள் விசாரணை நடத்தி வருகின்றனர்.

திருப்பூர் மாவட்டம் பல்லடத்தை அடுத்த வலையபாளையத்தை சேர்ந்தவர் மாரீசன்.இவர் தனது மனைவி மற்றும் 3 மகள்களுடன் வசித்து வருகிறார்.

கோவை மாவட்டம் விராலியூரை சேர்ந்த மாரீசனின் உறவினர் மகேந்திரன் என்பவர் அவரது 14 வயது மூத்த மகளை கடந்த 2 வருடங்களாக காதலித்து வந்ததாக கூறப்படுகிறது.

இந்நிலையில் நேற்று பல்லடத்தில் இருந்து யாருக்கும் தெரியாமல் விராலிமலைக்கு அழைத்து சென்று 14 வயது பெண்ணை மகேந்திரன் திருமணம் செய்து கொண்டதாக தெரிகின்றது.

திருமணம் முடிந்து இருவரும் இன்று வலையபாளையத்திற்கு வந்துள்ளனர். இந்த நிலையில் குழந்தை திருமணம் குறித்து சைல்டு லைனுக்கு தகவல் கிடைத்துள்ளது.

அதனை தொடர்ந்து சம்பவ இடம் வந்த சைல்டு லைன் அமைப்பினர்,கள்ளிப்பாளையம் கிராம நிர்வாக அலுவலர்,பல்லடம் மகளிர் காவல் துறையினர் விசாரணை மேற்கொண்டு வருகின்றனர்.

Views: - 424

0

0