இந்து மதம் குறித்து அவதூறு…. பாதிரியார் ஜார்ஜ் பொன்னையாவின் ஜாமீன் மனு தள்ளுபடி

Author: Babu Lakshmanan
30 July 2021, 6:23 pm
kumari father - updatenews360
Quick Share

கன்னியாகுமரி : அரசியல் தலைவர்களையும் அவதூறாகவும், மதக்கலவரத்தை தூண்டும் விதமாகவும் பேசிய கிறிஸ்துவ பாதிரியாரின் ஜாமீன் மனு தள்ளுபடி செய்யப்பட்டது.

கன்னியாகுமரி மாவட்டம் அருமனை பேரூராட்சியில் உள்ள சர்ச்சில், கிறிஸ்தவர்கள் மற்றும் இஸ்லாமியர்கள் இணைந்து நடத்திய நிகழ்ச்சி ஒன்றில் கலந்து கொண்டு பாதிரியார் ஜார்ஜ் பொன்னையா என்பவர் பேசினார். அமைச்சர்கள் சேகர் பாபு, மனோ தங்கராஜ் உள்ளிட்டோரை கடுமையாக விமர்சித்ததுடன், திமுக ஜெயித்தது கிறிஸ்தவ மக்களும், முஸ்லீம் மக்களும் உங்களுக்கு போட்ட பிச்சை என்றும் அவர் கூறினார்.

அதோடு, பாரத மாதாவை அவமதித்து பேசியதோடு, பிரதமர் மோடி, மத்திய அமைச்சர் அமித்ஷா குறித்தும் தகாத வார்த்தைகளில் பேசி, மதக்கலவரத்தை தூண்டும் விதமாகவும் பேசினார். அவர் பேசிய இந்த வீடியோ சமூகவலைதளங்களில் பரவி பெரும் சர்ச்சையை ஏற்படுத்தியது.

இதையடுத்து, தமிழகத்தில் பல்வேறு காவல்நிலையங்களில் பாஜக மற்றும் இந்து மக்கள் கட்சி உள்ளிட்ட இந்து அமைப்பினர் அளித்த புகாரின் பேரில் பாதிரியார் ஜார்ஜ் பொன்னையா மீது 7 பிரிவுகளின் கீழ் வழக்குப்பதிவு செய்துள்ளனர். தொடர்ந்து, தலைமறைவான அவரை போலீசார் கைது செய்து சிறையில் அடைத்தனர்.

இந்த நிலையில், பாதிரியார் ஜார்ஜ் பொன்னையாவை ஜாமீனில் விடுவிக்கக்கோரி குழித்துறை நீதிமன்றத்தில் மனு தாக்கல் செய்யப்பட்டது. இந்த மனுவை விசாரித்த நீதிமன்றம் தள்ளுபடி செய்து உத்தரவிட்டது.

Views: - 301

1

0