கோவை சரக டி.ஐ.ஜி துப்பாக்கியால் சுட்டு தற்கொலை… விசாரணையில் பரபரப்பு திருப்பம்!!

கோவை சரக டி.ஐ.ஜி துப்பாக்கியால் சுட்டு தற்கொலை… விசாரணையில் பரபரப்பு திருப்பம்!!

கோவை சரக டி.ஐ.ஜி.யாக கடந்த ஜனவரி மாதம் முதல் பதவி வகித்து வந்தவர் விஜயகுமார். இவர் இன்று காலையில் தனது வீட்டில் இருந்த நிலையில் திடீரென துப்பாக்கியால் சுட்டு தற்கொலை செய்து கொண்டார்.

இவரது உடல் தற்போது கோவை அரசு மருத்துவமனையில் பிரேத பரிசோதனைக்காக கொண்டு வைக்கப்பட்டுள்ளது. இவர் எதற்காக தற்கொலை செய்து கொண்டார் என்பது குறித்து முக்கிய தகவல்கள் வெளியாகியுள்ளன.

கோவை அரசு மருத்துவமனையில் மாவட்ட போலீஸ் சூப்பிரண்டு பத்ரி நாராயணன் உள்ளிட்ட போலீஸ் அதிகாரிகள் நேரில் சென்று விசாரணை நடத்தினர்.

மேலும் டிஐஜி தற்கொலைக்கான காரணம் குறித்து போலீசார் பல்வேறு கோணங்களில் விசாரணை நடத்தி வருகின்றனர்.

விஜயகுமார் கடந்த 2009-ம் ஆண்டு ஐ.பி.எஸ் தேர்ச்சி பெற்று காவல்துறை பணியில் இணைந்தார். இதனைத் தொடர்ந்து காஞ்சீபுரம், கடலூர், நாகப்பட்டினம் மற்றும் திருவாரூர் மாவட்ட கண்காணிப்பாளராக பணியாற்றியுள்ளார் என்பது குறிப்பிடத்தக்கது.

சென்னையில் துணை ஆணையராக பணியாற்றி வந்த இவர், கடந்த ஜனவரி மாதம் கோவைக்கு மாற்றம் செய்யப்பட்டார். கடந்த இரண்டு வாரங்களாக தூக்கம் வராமல் மன உளைச்சலில் இருந்ததாக கூறப்படுகிறது.

மனைவி மகள் சென்னையில் வசித்து வரும் நிலையில், கோவையில் தனியாக வசித்து வந்த இவர், மன அழுத்தம் காரணமாக மருத்துவ கவுன்சிலிங் ஏற்பாடு செய்யப்பட்டிருந்தது என்பது குறிப்பிடத்தக்கது.