தங்கும் விடுதிகளில் ஆட்சியர் திடீர் ஆய்வு : வெளிமாநிலத்தவர் சொந்த ஊர் செல்ல அறிவுரை

Author: kavin kumar
9 January 2022, 3:04 pm
Quick Share

வேலூர்: வேலூரில் வெளிமாநில நபர்கள் தங்கியுள்ள விடுதிகளில் ஆட்சியர் குமாரவேல் பாண்டியன் திடீர் ஆய்வு மேற்கொண்டு, அவர்களை ஊர்களுக்கு அனுப்பி வைக்க அறிவுரை வழங்கினார்.

வேலூர் மாவட்டம், வேலூரில் சி.எம்.சி மருத்துவமனை உள்ளதால் அதிக அளவு நாடு முழுவதுமிருந்து இங்கு நோயாளிகளும் உறவினர்களும் குவிந்துள்ளனர். இதனால் நோய் தொற்று எண்ணிக்கை தினந்தோறும் உயர்ந்துகொண்டிருக்கிறது. இன்று முழு ஊரடங்கு அறிவித்துள்ள நிலையில், பாபுராவ் தெரு, காந்தி ரோடு ஆகிய பகுதிகளில் கொரோனா தடை செய்யப்பட்ட பகுதிகளில் ஆட்சியர் குமாரவேல் பாண்டியன் நேரடியாக சென்று அங்குள்ள வெளிமாநிலத்தினரை சொந்த ஊர்களுக்கு அனுப்ப லாட்ஜ் உரிமையாளர்களுக்கு அறிவுறுத்தப்பட்டது.

பொதுமக்கள் ஆங்காங்கே நடமாட கூடாது எனவும் உத்தரவிட்டார். பல பகுதிகளில் ஆய்வு செய்து அதிகாரிகளுக்கு நடவடிக்கை எடுக்க உத்தரவிட்டார். பின்னர் செய்தியாளர்களிடம் மாவட்ட ஆட்சியர் குமாரவேல் பாண்டியன் கூறுகையில், இம்மாவட்டத்தில் கொரோனா நோய் தொற்று உயர்ந்துகொண்டே செல்கிறது தடுப்பு நடவடிக்கைகளை மேற்கொண்டுள்ளோம், வேலூரில் உள்ள சிஎம்.சி மருத்துவமனைக்கு சாதாரண சிகிச்சைக்கு வெளிமாநிலத்தவர் அனுமதிக்க வேண்டாம் என அறிவுறுத்தப்பட்டுள்ளது. விடுதியில் உள்ள வெளிமாநிலத்தவரை சொந்த ஊர்களுக்கு செல்ல அறிவுறுத்தியுள்ளோம்.

திருமணம் தேர்வு ஆகியவைகள் அனுமதிக்கப்படுகிறது. திங்கட் கிழமை தோறும் மக்கள் குறைதீர்வு கூட்டம் தடை செய்யப்பட்டுள்ளது. மக்கள் கிராம நிர்வாக அலுவலர் மற்றும் வட்டாச்சியர்களிடம் மனுவாக குறைகளை அளிக்கலாம். விவசாயிகள் குறைதீர்வு கூட்டம் ஒத்தி வைக்கப்படுகிறது. தடையை மீறி வருபவர்கள் கடும் நடவடிக்கை எடுக்க உத்தரவிடப்பட்டுள்ளது என்றார்.

Views: - 596

0

0