இளம்பெண் குளிப்பதை வீடியோ எடுத்த கம்யூனிஸ்ட் பிரமுகர்!கொரோனா மருத்துவமனையில் கொடுமை!!

26 September 2020, 11:35 am
Communist Executive Arrest - updatenews360
Quick Share

கன்னியாகுமரி : தமிழக – கேரள எல்லைப் பகுதியான பாறசாலையில் கொரானா நோயாளியான இளம் பெண்ணை குளியல் அறையில் குளிப்பதை நிர்வாணமாக செல்போன் மூலம் வீடியோ எடுத்த கம்யூனிஸ்ட் பிரமுகர் கைது செய்யப்பட்டார்.

கேரளாவில் நாளுக்கு நாள் கொரோனா அதிகரித்து வருவதால் மாநிலத்தின் பல்வேறு கல்லூரிகளில் கொரானா கேர் சென்டர்கள் செயல்பட்டு வருகிறது. இந்த நிலையில்கன்னியாகுமரி மாவட்டம் தமிழக கேரள எல்லைப் பகுதியான பாறசாலையில் ஸ்ரீ கிருஷ்ணா பார்மசி என்ற கல்லூரியில் கொரோனா கேர் செண்டர் செயல்பட்டு வருகிறது.

இந்த செண்டரில் கேரளா செங்கல் பகுதியை சேர்ந்த கம்யூனிஸ்ட் கட்சியின் இந்திய ஜனநாயக வாலிபர் சங்கத்தின் தலைவர் ஷாலு, கொரானா பாதிக்கப்பட்டு சிகிச்சை பெற்று வந்தார். இந்த நிலையில் அங்கு சிகிச்சை பெற்று வந்த அதே கேர் செண்டரில் பாறசாலை அருகே உள்ள 20 வயது இளம் பெண் சிகிச்சை பெற்று வந்தார்.

அவர் குளியல் அறையில் குளித்து கொண்டு இருந்தபோது ஒரு செல்போன் மறைத்து வைத்திருந்ததை கண்டு அதிர்ச்சி அடைந்தார். அந்த செல்போனை எடுத்து பார்த்தபோது குளிக்கும் காட்சிகள் பதிவாகி இருந்தது தொடர்ந்து செல்போனை எடுத்து சுகாதார துறை அதிகாரிகளிடம் இது குறித்து அந்த பெண் புகார் அளித்தார்.

தொடர்ந்து பாறசாலை போலீசார் சம்பவ இடத்திற்கு வந்து செல்போனை ஆய்வு செய்தபோது செல்போன் அந்த கேர் செண்டரில் சிகிச்சை பெற்று வரும் கம்யூனிஸ்ட் பிரமுகர் ஷாலுவின் செல்போன் என தெரியவந்தது. தொடர்ந்து அவனிடம் போலீசார் விசாரித்தபோது, அவருக்கு சிகிச்சை பெற்று நேற்று கொரானா நெகடிவ் சான்று கிடைத்ததால் இன்று வீட்டிற்கு செல்லாம் என்று இருந்தேன். இதனால் குளியல் காட்சிகளை எடுத்துவிட்டு வீட்டுக்கு புறப்படலாம் என எண்ணி இருந்ததாக வாக்குமூலம் அளித்துள்ளான். இதை தொடர்ந்து அவனை கைது செய்து போலீசார் விசாரணை நடத்தி வருகின்றனர்.