தமிழகத்தில் ஒரே நாளில் 33 ஆயிரத்தை கடந்த கொரோனா பாதிப்பு : இன்றைய முழு நிலவரம்!!

15 May 2021, 8:01 pm
Corona Cbe - Updatenews360
Quick Share

தமிழகத்தில் கடந்த 24 மணி நேரத்தில் 33 ஆயிரத்திற்கு மேற்பட்டோர் கொரோனாவினால் பாதிக்கப்பட்டு உள்ளனர்.

தமிழகத்தில் கொரோனா வைரஸ் தொடர்பான தகவல்களை மாநில சுகாதாரத்துறை வெளியிட்டது. அதன்படி, தமிழகத்தில் இன்று 33,651 பேருக்கு கொரோனா தொற்று உறுதி செய்யப்பட்டுள்ளது.

இதனால் மாநிலத்தில் கொரோனா உறுதி செய்யப்பட்டவர்களின் மொத்த எண்ணிக்கை 15 லட்சத்து 65 ஆயிரத்து 035 ஆக அதிகரித்துள்ளது.தமிழகத்தில் தற்போது 1,64,945 பேர் கொரோனாவிற்கு சிகிச்சை பெற்று வருவதாக சுகாதாரத்துறை தெரிவித்துள்ளது.

வைரஸ் பரவியவர்களில் இன்று ஒரே நாளில் 20,905 பேர் சிகிச்சைக்கு பின் டிஸ்சார்ஜ் செய்யப்பட்டுள்ளனர். இதனால் தமிழகத்தில் கொரோனாவில் இருந்து குணமடைந்தவர்களின் மொத்த எண்ணிக்கை 13, லட்சத்து 39 ஆயிரத்து 887 ஆக உயர்ந்துள்ளது.

ஆனாலும் வைரஸ் தாக்குதலுக்கு இன்று ஒரே நாளில் 303 பேர் உயிரிழந்துள்ளனர். இதனால் தமிழகத்தில் வைரஸ் தாக்குதலுக்கு பலியானோர் எண்ணிக்கை 17 ஆயிரத்து 359 ஆக அதிகரித்துள்ளது.சென்னையில் இன்று மேலும் 6,640 பேருக்கு கொரோனா தொற்று உறுதி செய்யப்பட்டுள்ளது.

Views: - 105

0

0