ஓ.டி.டி-யில் வெளியாகிறதா விஜய் படம்? இயக்குநர் லோகேஷ் கனகராஜின் “மாஸ்டர் அப்டேட்“!!

23 September 2020, 12:57 pm
Master Lokesh- updatenews360
Quick Share

கோவை : மாஸ்டர் திரைப்படம் ஓடிடியில் வெளியாகுமா வெளியாகாதா என்பது குறித்து கோவையில் அப்படத்தின் இயக்குநர் லோகேஷ் கனகராஜ் பேசியுள்ளார்.

கோவை ஆர்எஸ் புரத்தில் விஜய் ரசிகர் மன்றத்தின் நலத்திட்ட உதவிகள் வழங்கும் நிகழ்ச்சியில் மாஸ்டர் படத்தின் லோகேஷ் கனகராஜ் கலந்து கொண்டார். இந்த நிகழ்ச்சியில் ஏழைகளுக்கு தையல் இயந்திரம், மளிகை பொருட்கள் உள்ளிட்டவைகளை இயக்குநர் லோகேஷ் கனகராஜ் வழங்கினார்.

பின்னர் செய்தியாளர்களிடம் பேசிய அவர், தளபதி ரசிகர் மன்றம் சார்பாக நலத்திட்ட உதவிகள் வழங்கும் நிகழ்ச்சியில் கலந்து கொண்டது மகிழ்ச்சி என்றும், ஏழைகளின் கஷ்டங்களை அறிந்து அவர்களுக்கு நலத்திட்ட உதவிகளை வழங்கிய தளபதி ரசிகர் மன்றத்தை பாராட்டினார்.

மேலும் பேசிய அவர், நடிகர் விஜய் நடிப்பில் உருவாகியுள்ள மாஸ்டர் திரைப்படம் நிச்சயம் திரையரங்குகளில் தான் வெளியிடப்படும் என்றும், ஓடிடியில் வெளியிட வாய்ப்பே இல்லை என்றும் கூறினார். திரையரங்குகள் திறப்பதற்கான பேச்சுவார்த்தை நடைபெற்று வருவதால் மாஸ்டர் திரைப்படம் வெளியாகும் தேதியை தயாரிப்பு நிறுவனம் முடிவு செய்யும் என கூறினார்.

கோவிட் தொற்றினால் திரையரங்குகள் மூடப்பட்டுள்ளதால், அதனை நம்பியுள்ளவர் வாழ்வாதாரம் பாதிக்கப்பட்டுள்ளது. இதனால் திரையரங்குகள் திறக்கப்படாததால் பலரும் கஷ்டப்படுவார்கள், விரைவில் திரையரங்குகள் திறக்கப்படும் என நம்புகிறேன் என கூறினார்.

Views: - 112

0

0