14 நாட்களாக மக்களை அச்சுறுத்திய ‘கொம்பன்‘ சிக்கினான் : மயக்க ஊசி செலுத்தி பிடித்த வனத்துறை!!

7 April 2021, 12:35 pm
elephant caught -Updatenews360
Quick Share

தருமபுரி : பென்னாகரம் அருகே 14 நாட்களாக கிராம மக்களை அச்சுறுத்தி வந்த ஒற்றை யானையை மயக்க ஊசி செலுத்தி வனத்துறையினர் பிடித்தனர்.

தருமபுரி மாவட்டம், பென்னாகரம் அடுத்த நெருப்பூர் அருகே உள்ள காந்திநகர் வனப்பகுதியில் கடந்த 14 நாட்களாக விவசாய நிலங்களை சேதப்படுத்தியும், கிராம மக்களை அச்சுறுத்தி வந்த ஒற்றை கொம்பன் யானையை வனப்பகுதிக்கு துரத்தி விடுவதற்காக வனத் துறையினர் போராடி வந்தனர்.

இந்த நிலையில் ஒற்றை யானை, வனப்பகுதிக்கு செல்ல மறுத்து கிராமப்பகுதியை சுற்றி வந்தது. இதனால் ஒற்றை யானையை மயக்க ஊசி செலுத்தி பிடிக்க வனத்துறையினர் முடிவு செய்தனர். இதனையடுத்து இன்று காலை மாவட்ட வன அலுவலர் ராஜ்குமார் தலைமையிலான வனத்துறையினர் யானைக்கு மயக்க ஊசி செலுத்தி நீண்ட போராட்டத்திற்குப் பிறகு மயக்கமடைந்த யானையை ஜேசிபி இயந்திரத்தில் தூக்கி வனத்துறையிக்கு சொந்தமான லாரியில் ஏற்றி சென்றனர்.

பின்னர் இந்த யானையை அடர்த்தியான வனப்பகுதி விட ஏற்பாடு செய்யப்படும் என மாவட்ட வன அலுவலர் மற்றும் கால்நடை மருத்துவர்கள் தெரிவித்துள்ளனர்.

Views: - 58

0

0