விநாயகர் ஊர்வலத்தில் விதி மீறல்… போலீசார் தடுத்து நிறுத்தியதால் உச்சக்கட்ட பரபரப்பு!!

தமிழகம் முழுவதும் விநாயகர் சதுர்த்தியை முன்னிட்டு விநாயகர் சிலை கரைப்பு ஊர்வலம் நடைபெற்று வருகிறது.

இதேபோல் ஈரோடு மாவட்டம் சத்தியமங்கலத்தில் இந்து முன்னணி மற்றும் பொதுமக்கள் சார்பில் வைக்கப்பட்டுள்ள விநாயகர் சிலைகளை எஸ்.ஆர்.டி கார்னரிலிருந்து ஊர்வலமாக கொண்டு செல்லப்பட்டு பவானி ஆற்றில் கரைப்பது வழக்கம்.

அதேபோல் இன்று சத்தியமங்கலம் சுற்றுவட்டார பகுதியில் வைக்கப்பட்டிருந்த விநாயகர் சிலைகளை ஊர்வலமாக கொண்டு செல்வதற்காக சத்தியமங்கலம் நகர் பகுதி மற்றும் கிராம பகுதியில் உள்ள இந்து முன்னணி அமைப்பினர் மற்றும் பொதுமக்கள் டிராக்டர் பிக்கப் உள்ளிட்ட வாகனங்களில் எடுத்து வந்தனர்.

அப்போது கடந்த ஆண்டு நடைபெற்ற விநாயகர் சதுர்த்தி ஊர்வலத்தில் பொதுமக்களுக்கு இடையூறு விளைவிக்கும் விதமாக அதிக ஒலி எழுப்பும் ஸ்பீக்கர்கள் மற்றும் அதிக ஒளி கொண்ட லைட்டுகளை அகற்றுமாறு காவல்துறையினர் சிலையை எடுத்து வந்த வாகனங்கள் தடுத்து நிறுத்தியதால் சற்று பரபரப்பு ஏற்பட்டுள்ளது.

மேலும் தொடர்ந்து இந்து முன்னணி அமைப்பினர் மற்றும் பொதுமக்கள் காவல்துறையினரிடம் வாக்குவாதத்தில் ஈடுபட்டு வருவதால் சற்று பதட்டமான சூழ்நிலை ஏற்பட்டதோடு அப்பகுதியில் சுமார் நூற்றுக்கும் மேற்பட்ட காவல்துறையினர் குவிக்கப்பட்டுள்ளனர்.