தமிழகத்தில் அடுத்த 3 நாட்களுக்கு மழை கொட்டித் தீர்க்கும்: உங்க ஊருல எப்படினு தெரிஞ்சுக்கோங்க..!!

Author: Aarthi Sivakumar
16 August 2021, 9:01 am
Quick Share

சென்னை: தமிழகத்தின் பெரும்பாலான மாவட்டங்களில் அடுத்த 3 நாட்களுக்கு மழை பெய்ய வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

சென்னை வானிலை ஆய்வு மையம் வெளியிட்டுள்ள அறிவிப்பில், தமிழகத்தில் வளிமண்டல மேலடுக்கு சுழற்சி மற்றும் வெப்பச்சலனம் காரணமாக 16, 17, 18 ஆகிய தேதிகளில் கடலோர மாவட்டங்கள் மற்றும் வட தமிழகத்தின் உள் மாவட்டங்கள், மேற்கு தொடர்ச்சி மலையை ஒட்டிய நீலகிரி, கோவை, தேனி, திண்டுக்கல், திருப்பூர், தென்காசி மாவட்டங்களில் மிதமான மழை பெய்ய வாய்ப்புள்ளது.

Rain -Updatenews360

புதுச்சேரி, காரைக்கால் பகுதிகளில் ஒரு சில இடங்களில் இடி, மின்னலுடன் லேசானது முதல் மிதமான மழை பெய்யக்கூடும் என்று தெரிவிக்கப்பட்டுள்ளது. இதனை தொடர்ந்து 19ம் தேதி வட கடலோர மாவட்டங்கள் மற்றும் புதுச்சேரி, காரைக்கால் பகுதிகளில் ஓரிரு இடங்களில் லேசானது முதல் மிதமான மழை பெய்யக்கூடும் என்று வானிலை மையம் தெரிவித்துள்ளது.

சென்னையைப் பொறுத்தவரை அடுத்த 48 மணி நேரத்தில் வானம் பொதுவாக மேகமூட்டத்துடன் காணப்படும் என்றும் நகரின் ஒருசில பகுதிகளில் இடி, மின்னலுடன் கூடிய லேசானது முதல் மிதமான மழை பெய்யக்கூடும் என்றும் தெரிவிக்கப்பட்டுள்ளது.

தெற்கு வங்கக்கடல் பகுதிகளில் 16ம் தேதி வரையும், மத்திய மேற்கு வங்கக்கடல் மற்றும் அதனை ஒட்டிய ஆந்திர கடலோர பகுதிகளில் 19ம் தேதி வரையும் மணிக்கு 40 முதல் 50 கி.மீ. வேகத்திலும், மன்னார் வளைகுடா பகுதிகளில் வரும் 16, 17ம் தேதிகளில் மணிக்கு 35 முதல் 45 கி.மீ. வேகத்திலும் பலத்த காற்று வீசக்கூடும் என அறிவிக்கப்பட்டுள்ளது.

Views: - 283

0

0