Single Truck to தொழிலதிபர்… வெளியானது ‘விஜயானந்த்’ டீசர் ; தந்தைக்காக களமிறங்கிய ஆனந்த் சங்கேஷ்வரர்..!!

இந்திய அளவில் மிகவும் பிரபலமான தொழிலதிபர் விஜய் சங்கேஷ்வர். புகழ்பெற்ற VRL குழும நிறுவனங்களின் நிர்வாக இயக்குனர் மற்றும் விளம்பரதாரர் லாஜிஸ்டிக்ஸ், மீடியா மற்றும் பல துறைகளில் நிபுணத்துவம் பெற்றவர் ஆவார்.

இதுவரையில் திரையுலகில் கால்பதிக்காமல் இருந்து வந்த இவர், தற்போது விஆர்எல் ஃபிலிம் புரொடக்ஷன்ஸ் என்கிற பெயரில் சொந்த படத்தயாரிப்பு நிறுவனத்தை தொடங்கியுள்ளார். இந்தப் பட தயாரிப்பு நிறுவனத்தின் மூலம், விஜய் சங்கேஷ்வரின் வாழ்க்கை வரலாறு அடங்கிய படத்தை தயாரிக்கவுள்ளனர்.

‘விஜயானந்த்’ என்ற பெயரில் தயாராகும் இந்த வாழ்க்கை வரலாற்றுப்படத்தை, ’டிரங்க்’ என்ற ஹாரர் திரில்லர் படத்தை இயக்கிய ரிஷிகா சர்மா இயக்கியுள்ளார். “ட்ரங்க்” படத்தின் நாயகன் நிஹால், விஜய் சங்கரேஷ்வராக நடிக்கிறார். தென்னிந்தியாவின் பிரபல இசையமைப்பாளர் கோபி சுந்தர் இப்படத்துக்கு இசையமைக்கிறார். மலையாளம், தெலுங்கு மற்றும் தமிழிலும் வெளியாகவுள்ள இப்படத்தின் தமிழ் டீஸரை படக்குழுவினர் இன்று காலை வெளியிட்டனர்.

இது தொடர்பாக ஆனந்த் சங்கேஷ்வர் கூறியதாவது :- எங்கள் தயாரிப்பு நிறுவனம் ’விஜயானந்த்’ என்ற முதல் திரைப்பட முயற்சியை அறிவிப்பதில் பெருமிதம் கொள்கிறது. என் தந்தையும் மரியாதைக்குரிய பிரபல தொழில் அதிபருமான விஜய் சங்கேஷ்வரின் வாழ்க்கை வரலாறு தொடர்பான படம் இது.

1976ல் ஒரு சிங்கிள் டிரக் மூலம் தனது வாழ்க்கைப் பயணத்தைத் தொடங்கியவர். இன்று தேசம் முழுக்க அறியப்பட்ட பிரபல தொழிலதிபர். சிறிய அளவில் தொடங்கி வளர்ந்த அவரது கதையில், அவரது வளர்ச்சிப் பாதையில் ஒரு வாரிசாக ஆனந்த் சங்கேஷ்வராகிய நானும் இடம் பெறுகிறேன் என்பதில் எனக்கு எல்லையில்லா மகிழ்ச்சி, என்கிறார்.