மதுரை அரிட்டாபட்டி பகுதியில் நடைபெற்ற படப்பிடிப்பின்போது வெடிகுண்டு சத்தம் கேட்டதால், பொதுமக்கள் எதிர்ப்பு தெரிவித்த நிலையில், படக்குழுவினர் அங்கிருந்து சென்றனர்.
மதுரை: மதுரை மாவட்டம், மேலூர் அருகே உள்ள அரிட்டாபட்டி பல்லுயிர் வனக் காப்பகமாக அறிவிக்கப்பட்டு உள்ளது. இந்த நிலையில், நேற்று (டிச.5) சுமார் 50க்கும் மேற்பட்ட வாகனங்களில் திரைப்பட படப்பிடிப்பிற்காக, பெட்ரோல் கேன்கள் போன்ற பொருட்களுடன் பல்லுயிர் வனகாப்பகம் அருகே படக்குழுவினர் முகாமிட்டுள்ளனர்.
இதனையடுத்து, அவர்கள் படப்பிடிப்பை நடத்தி உள்ளனர். அப்போது, அதிக சத்தம் எழுப்பும் வெடிகுண்டுகள் வெடிப்பது போன்ற காட்சியும் படமாக்கப்பட்டதாக கூறப்படுகிறது. மேலும், ஜேசிபி, கிரேன், கம்ப்ரசர் கொண்டு சுமார் 50க்கும் மேற்பட்டோர் பாறைகளை வெடி வைத்து தகர்த்தாகவும் கூறப்படுகிறது.
இது அப்பகுதி மக்களிடையே அதிர்ச்சியை ஏற்படுத்தி உள்ளது. இதனையடுத்து, பல்லுயிர் தளமாக உள்ள அரிட்டாடிபட்டி பகுதியில் வெடிபொருட்கள் பயன்படுத்தி படப்பிடிப்பு நடத்துவதற்கு யார் அனுமதி அளித்தனர் என பொதுமக்கள் கேள்வி எழுப்பினர்.
இதையும் படிங்க: என் தம்பி விஜய் செய்தது சரிதான் : பிரேமலதா அறைகூவல்!
ஏற்கனவே, டங்ஸ்டன் எடுப்பது குறித்த விவகாரம் சென்று கொண்டிருப்பதால், படப்பிடிப்பு நடத்துவதற்கு எதிர்ப்பு தெரிவித்து, அக்குழுவினருடன் அப்பகுதி மக்கள் வாக்குவாதத்தில் ஈடுபட்டு உள்ளனர். பின்னர், இது குறித்து தகவல் அறிந்து சம்பவ இடத்திற்கு வந்த ஒத்தக்கடை போலீசார் விசாரணை மேற்கொண்டனர்.
தொடர்ந்து, மக்களின் எதிர்ப்பால் படப்பிடிப்பு நடத்துவதற்கு அனுமதி அளிக்க முடியாது எனக் கூறி படக்குழுவினரை அங்கிருந்து வெளியேறும்படி அறிவுறுத்தினர். இதனைத் தொடர்ந்து, படக்குழுவினர் அங்கிருந்து உடனடியாக புறப்பட்டுச் சென்றனர். இந்த படப்பிடிப்பு, இயக்குனர் முத்தையா இயக்கத்தில் அருள்நிதி நடித்து வரும் படம் ஆகும்.
முன்னதாக, அரிட்டாபட்டியில் இந்துஸ்தான் நிறுவனத்திற்கு டங்ஸ்டன் சுரங்கம் அமைப்பதற்கு மத்திய அரசு அனுமதி வழங்கி இருப்பதாக தகவல் வெளியாகின. எனவே, இதற்கு எதிர்ப்பு தெரிவித்து அரிட்டாபட்டி, மீனாட்சிபுரம் பகுதி மக்கள் போராட்டங்களில் ஈடுபட்டனர் என்பது குறிப்பிடத்தக்கது.
ரசிகர்களை கவர்ந்த டீசர் சசிகுமார், சிம்ரன் ஆகியோரின் நடிப்பில் நாளை மே தினத்தை முன்னிட்டு திரையரங்குகளில் வெளியாக உள்ள திரைப்படம்…
திருமணமானவுடன் தனது பிறந்நாளை சரக்கு பார்ட்டியுடன் பிரியங்கா கொண்டாடிய வீடியோ இணையத்தில் வைரலாகி வருகிறது. இதையும் படியுங்க: தலைக்கேறிய மது…
சமீபத்தில் அஜித்தின் குட் பேட் அக்லி படம் வெளியானது. ரசிகர்கள் மத்தியில் வரவேற்பை பெற்ற இந்த படம் வசூலில் பட்டையை…
தொடங்கியது சீசன் 6 தமிழர்களின் ஸ்ட்ரெஸ் பஸ்டராக திகழ்ந்து வரும் குக் வித் கோமாளி நிகழ்ச்சியின் 6 ஆவது சீசன்…
கார்த்தி-தமன்னா ஜோடி “பையா” திரைப்படத்தில் தமன்னாவோட ஏற்பட்ட கெமிஸ்ட்ரி அதனை தொடர்ந்து கார்த்திக்கு வேறு எந்த நடிகையுடனும் ஏற்படவில்லை என்றே…
பாரதிய ஜனதா கட்சியின் மாநில தலைவர் நயினார் நாகேந்திரன் தூத்துக்குடி விமான நிலையத்தில் செய்தியாளர்களை சந்தித்தார். இதையும் படியுங்க: இட்லி…
This website uses cookies.