பெட்ரோல், டீசல் விலை உயர்வா? குறைவா?: இன்றைய நிலவரம்..!!

Author: Aarthi Sivakumar
21 August 2021, 8:53 am
Petrol Price - Updatenews360
Quick Share

சென்னை: சென்னையில் இன்று பெட்ரோல் லிட்டருக்கு 99.47 ரூபாய், டீசல் லிட்டருக்கு 93.84 ரூபாய் என விற்பனை செய்யப்படுகிறது.

பெட்ரோல், டீசல் விலையை பொறுத்தவரையில் தினசரி விலை நிர்ணயம் என்ற நடைமுறை வந்ததில் இருந்து தொடர்ந்து அதிகரித்து வந்தது. அதன்படி, இந்த ஆண்டு தொடக்கத்தில் இருந்து அதன் விலை தாறுமாறாக உயர்ந்து கொண்டே வருகிறது.

பல்வேறு மாநிலங்களில் பெட்ரோல் விலை நூறு ரூபாயைக் கடந்து விற்பனை செய்யப்பட்டு வருகிறது. தொடர்ந்து உயரும் பெட்ரோல், டீசல் விலையால் வாகன ஓட்டிகள் கலக்கமடைந்தனர். இந்நிலையில் தமிழக அரசின் பட்ஜெட் அறிவிப்பை அடுத்து, தமிழகத்தில் பெட்ரோல் விலை லிட்டருக்கு 3 ரூபாய் அதிரடியாக குறைக்கப்பட்டுள்ளது.

அதன்படி, சென்னையில் 8வது நாளாக விலை மாற்றமின்றி ஒரு லிட்டர் பெட்ரோல் ரூ.99.47க்கு விற்பனை செய்யப்படுகிறது. சென்னையில் 2வது நாளாக விலை மாற்றமின்றி ஒரு லிட்டர் டீசல் ரூ.93.84க்கு விற்பனை செய்யப்படுகிறது.

Views: - 187

0

0