அண்ணாமலையிடம் இருந்து பதக்கம் வாங்க மறுத்த அமைச்சர் டிஆர்பி ராஜாவின் மகன்… விளாசி தள்ளிய தமிழிசை!

புதுக்கோட்டை மாவட்டம் ஆவாரக்குடிப்பட்டியில் 51வது மாநில அளவிலான துப்பாக்கிச் சுடுதல் போட்டி நடைபெற்று வருகிறது. இந்த நிகழ்ச்சியில் பாஜக முன்னாள் மாநிலத் தலைவர் அண்ணாமலை கலந்து கொண்டு, வெற்றி பெற்ற போட்டியாளர்களுக்கு பதக்கங்களை கழுத்தில் அணிவித்தார்.

இதன்போது, அமைச்சர் TRB ராஜாவின் மகன் சூரிய ராஜபாலு, அண்ணாமலையிடமிருந்து பதக்கத்தை கழுத்தில் வாங்க மறுத்து, அதை கையில் பெற்று புகைப்படத்திற்கு மட்டும் நின்றதால் அங்கு சிறிது நேரம் பரபரப்பு ஏற்பட்டது.

இச்சம்பவத்தைத் தொடர்ந்து, பாஜக மூத்த தலைவர் தமிழிசை இதற்கு கண்டனம் தெரிவித்துள்ளார். செய்தியாளர்களிடம் பேசிய அவர், “ஆளுநர், அண்ணாமலை போன்ற சிறப்பு விருத்திகளை கல்வி நிறுவனங்கள் தகுதிக்கு ஏற்ப அழைக்கின்றன.

அவர்களுக்கு மரியாதை அளிப்பது அவசியம். விருது பெறுவோர் மரியாதையுடன் நடந்து கொள்ள வேண்டும். தனிப்பட்ட உணர்வுகளை அப்போது வெளிப்படுத்துவது சரியல்ல.

திமுக எல்லாம் அரசியலாக்கி, காழ்ப்புணர்ச்சியை வளர்க்கிறது. TRB ராஜா தனது மகனை அழைத்து, பாரபட்சமாக நடக்க வேண்டாம் என அறிவுரை கூற வேண்டும்” என்று தெரிவித்தார்.