ஆபரேஷன் சிந்தூர் நடவடிக்கைக்கு பதிலடி… பாகிஸ்தான் தாக்குதலில் 13 பேர் பலி : பூஞ்ச் பகுதியில் பதற்றம்!

ஜம்மு காஷ்மீரில் பகல்காம் பகுதியில் பாகிஸ்தான் பயங்கரவாதிகள் நடததிய தாக்குதலில் சுற்றுலா பயணிகள் 26 பேர் கடந்த ஏப்ரல் 22ல் பலியாகினர்.

இந்த சம்பவம் உலக நாடுகளிடையே அதிர்ச்சியை ஏற்படுத்தியது. இதற்கு பதிலடி கொடுக்கும் விதமாக நேற்று ஆபரேஷன் சிந்தூர் என்ற பெயரில் பாகிஸ்தான் ஆக்கிரமிப்பு காஷ்மீர் பகுதியில் இந்திய பாதுகாப்பு படையினர் பயங்கரவாதிகள் முகாம்கள் மீது தாக்குதல் நடத்தினர்.

இதையும் படியுங்க: தண்டவாளத்தில் கல்லூரி மாணவர்கள் செய்த செயல்.. காட்டிக் கொடுத்த சிசிடிவி : 5 பேரை தட்டி தூக்கிய போலீஸ்.!

இதில் 9 பயங்கரவாத முகாம்கள் குறிவைத்து தாக்கப்பட்டன. 25 நிமிடங்களில் 24 ஏவுகணைகளை இந்திய ராணுவமும், விமானப் படையும் ஏவின. இதில் 70 பேர் கொல்லப்பட்டனர். 60க்கும் மேற்பட்டோர் காயமடைந்ததாக தகவல் வெளியாகின.

இதற்கு தக்க பதிலடி கொடுக்கப்படும் என பாகிஸ்தான் பிரதமர் ஷெபாஸ் ஷெரீப் தெரிவித்திருந்தார். அதன்படி காஷ்மீரில் பூஞ்ச் மற்றும் ரஜோரி பகுதியில் பாகிஸ்தான் படைகள் தாக்குதல் நடத்தின.

அதில் 4 குழந்தைகள், 2 பெண்கள் உட்பட 13 பேர் உயிரிழந்தனர், 50க்கும் மேற்பட்டோர் காயமடைந்துள்ளனர். இதில் இந்திய ராணுவத்தை சேர்ந்த தினேஷ்குமார் என்பவர் வீரமரணம் அடைந்தார்.

இதையடுத்து அப்பகுதியில் உள்ள நூற்றுக்கணக்கானோர் வேறு பகுதிக்கு பாதுக்காப்பாக அழைத்து செல்லப்பட்டுள்ளனர். காஷ்மீர் தாக்குதலில் காயமடைந்தவர்கள் ஜம்மு மருத்துவமனையில் சிகிச்சை பெற்று வரும் நிலையில் ஏராளமானோர் பாதிக்கப்பட்டவர்களுக்கு ரத்த தானம் வழங்கி வருகின்றனர்.