பங்குச்சந்தைகள் உயர்வு.. மீண்டும் ஏற்றத்தை கண்ட சென்செக்ஸ் : இன்றைய வர்த்தக நிலவரம்!!!

வாரத்தின் இரண்டாவது நாளான இன்று 65,311 புள்ளிகள் ஏற்றத்துடன் தொடங்கிய மும்பை சென்செக்ஸ் தற்போதைய நிலவரப்படி, 354.90 புள்ளிகள் உயர்ந்து 65,430.72 புள்ளிகளாக வர்த்தகம் ஆகி வருகிறது.

மேலும், தேசிய பங்குச்சந்தை என்எஸ்இ (NSE) நிஃப்டி 96.95 புள்ளிகள் உயர்ந்து 19,439.60 புள்ளிகளாக வர்த்தகம் ஆகி வருகிறது. முந்தைய வர்த்தக நாள் முடிவில் சென்செக்ஸ் 65,075 புள்ளிகளாகவும், நிஃப்டி 19,342 புள்ளிகளாகவும் வர்த்தகம் நிறைவடைந்தது.

முந்தைய வாரங்களில் சென்செக்ஸ் 64,000, 65,000, 66,000, 67,000 என நான்கு மைல் கல்லைத்தாண்டி புதிய சாதனையை படைத்தது குறிப்பிடத்தக்கது.

Tata Steel, Cipla, Axis Bank, Hindalco, Adani Enterprise போன்ற நிறுவனங்களில் பங்குகள் ஏற்றம் கண்டு வருகின்றன. BPCL, Power Grid Corp, Dr Reddys Labs, SBI, Coal India போன்ற நிறுவனங்களின் பங்குகள் சரிவை சந்தித்துள்ளன.

அதேபோல, கட்டுமான நிறுவனங்களான RPP Infra Projects Ltd நிறுவனத்தின் பங்குகள் 0.80 புள்ளிகள் உயர்ந்து 63.15 புள்ளிகளுடனும், Coromandel Engineering Company Ltd நிறுவனத்தின் பங்குகள் 0.55 புள்ளிகள் ஏற்றம் கண்டு 40.40 புள்ளிகளுடனும், ARSS Infra Structure Projects Ltd., நிறுவனத்தின் பங்குகள் 0.05 புள்ளிகள் சரிந்து 19.10 புள்ளிகளுடனும் வர்த்தகமாகிறது. CONSTRONICS INFRA LIMITED நிறுவனத்தின் பங்குகள் கடும் சரிவை கண்டுள்ளது.