12 வயதுக்குட்பட்ட 98 பேருக்கு கொரோனா : தமிழகத்தில் இன்று ஒரே நாளில் 43 பேர் உயிரிழப்பு

17 July 2021, 7:33 pm
Quick Share

சென்னை : தமிழகத்தில் கொரோனா வைரஸால் பாதிக்கப்பட்டவர்களின் எண்ணிக்கை இன்றும் 2,500க்கு கீழ் குறைந்துள்ளது.

கொரோனாவின் 2வது அலை பரவத் தொடங்கியதால் பாதிப்பு எண்ணிக்கை கடந்த சில நாட்களாக அதிகரித்து வந்தது. ஆனால், கடந்த ஒரு மாதமாக கொரோனா பாதிப்பு குறைந்து வருகிறது. இந்த நிலையில், இன்று 2 ஆயிரத்திற்கும் மேற்பட்ட பாதிப்புகள் பதிவாகியுள்ளது. அதாவது, 2,203 பேருக்கு தொற்று உறுதி செய்யப்பட்டுள்ளது. இதன்மூலம், தமிழகத்தில் கொரோனாவால் பாதிக்கப்பட்டவர்களின் எண்ணிக்கை 25,33,323ஆக அதிகரித்துள்ளது.

அதிகபட்சமாக, கோவையில் இன்று 241 பேர் பாதிக்கப்பட்டுள்ளனர். சென்னையில் 137 பேருக்கும், திருப்பூரில் 132 பேருக்கும், ஈரோட்டில் 143 பேருக்கும், சேலத்தில் 163 பேருக்கும் உறுதியாகியுள்ளது.

தமிழகத்தில் இன்று 43 பேர் உயிரிழந்துள்ளனர். இதனால், கொரோனாவால் உயிரிழந்தவர்களின் எண்ணிக்கை 33,695 ஆக உயர்ந்துள்ளது. இன்று ஒரே நாளில் 2,802 பேர் டிஸ்சார்ஜ் ஆகியுள்ளனர். இதுவரையில் குணமடைந்தவர்களின் எண்ணிக்கை 24 லட்சத்து 71 ஆயிரத்து 038ஆக அதிகரித்துள்ளது.

கடந்த 24 மணிநேரத்தில் 12 வயதுக்குட்பட்ட 98 குழந்தைகளுக்கு கொரோனா பாதிப்பு கண்டறியப்பட்டுள்ளது.

Views: - 125

0

0

Leave a Reply