அரசு மருத்துவமனையில் சினிமா பாடலுக்கு குத்தாட்டம் : செவிலியர்களின் ஷாக் வீடியோ!!

Author: kavin kumar
26 January 2022, 9:42 pm
Quick Share

தேனி : தேனி அரசு மருத்துவக்கல்லூரி மருத்துவமனையில் பணியின் போது சமூக இடைவெளி இன்றி சினிமா பாடலுக்கு ஆட்டம் போடும் செவிலியர்கள் வீடியோ வெளியாகி அதிர்ச்சியை ஏற்படுத்தியுள்ளது.

தேனி மாவட்டம் ஆண்டிபட்டி அருகே உள்ள கானா விலக்கு பகுதியில் அமைந்துள்ளது அரசு மருத்துவக்கல்லூரி மருத்துவமனை. இங்கு தேனி மாவட்டம் மட்டுமின்றி கேரளா மாநிலத்தில் இருந்தும் ஆயிரத்திற்கு மேற்பட்டோர் சிகிச்சை பெற்று வருகின்றனர். தற்போது கொரோனா காலம் என்பதால் கொரோனா தொற்று உள்ளவர்களுக்கும் இங்கு சிகிச்சை அளிக்கப்பட்டு வருகிறது. இங்கு 170 க்கு மேற்பட்ட மருத்துவர்கள் 400 க்கு மேற்பட்ட செவிலியர்கள் துப்புரவு பணியாளர்கள் என ஆயிரத்திற்கு மேற்பட்டோர் மருத்துவ பணியாளர்கள் பணிபுரிந்த வருகின்றனர்.

இந்நிலையில் மருத்துவமனையின் அலுவலகத்தில் பணியின் போது சினிமா பாடலுக்கு ஒன்றாக நடனம் ஆடும் வீடியோ ஒன்று வெளியாகி அதிர்ச்சியை ஏற்படுத்தியுள்ளது. செவிலியர் கண்காணிப்பாளர், ஆண் செவிலியர், மருத்துவ பணியாளர் என ஐந்து நபர்கள் சமூக இடைவெளி இன்றி கை கோர்த்து குழுவாக சினிமா பாடலுக்கு ஏற்றார் போல் நடனம் ஆடுகின்றனர். இது குறித்து மருத்துவமனை பணியாளர்களிடம் விசாரித்த போது செவிலியர் கண்காணிப்பாளர் அறையில் அவ்வபோது இவ்வாறு நடனம் ஆடுவதை வாடிக்கையாக வைத்துள்ளதாக தெரிவிக்கின்றனர்.

இந்த வீடியோ குறித்து மருத்துவ கல்லூரி முதல்வர் பாலாஜி நாதனை தொடர்பு கொண்டு கேட்டபோது, இது குறித்து தனக்கு தெரியவில்லை என்றும், இருப்பினும் சம்பந்தப்பட்ட அதிகாரிகளிடம் விளக்கம் கேட்கிறேன் என தெரிவித்தார். அலுவலகத்தில் ஆடியது குறித்து செவிலியர் கண்காணிப்பாளர் ஜென்னி ஜோஸ்வின் கூறுகையில் உடன் பணிபுரிந்த பணியாளரின் பிறந்தநாளை கொண்டாடினோம் அலுவலகத்தில் இது போன்ற கொண்டாட்டங்களை தான் தவிர்த்து இருக்க வேண்டும் என வருத்தமும் தெரிவித்தார்.

Views: - 301

0

0