கோவை சசிக்குமார் கொலை செய்த பாணியில் திருப்பூர் இந்து முன்னணி பிரமுகர் கொலை.. மீண்டும் அதிர்ச்சி!

திருப்பூர் குமாரனந்தபுரம் காமராஜர் தெருவில் வசித்து வந்த இந்து முன்னணி அமைப்பின் திருப்பூர் வடக்கு வழக்கறிஞர் பிரிவு ஒன்றிய தலைவராக இருந்தவர் பாலமுருகன். இவருக்கு வயது 35.

இதையும் படியுங்க: கோவையில் சாமி சிலைகள் சேதம்.. காட்டிக் கொடுத்த சிசிடிவி காட்சி!

இவர் அதே பகுதியில் பைனான்ஸ் தொழிலையும் நடத்தி வருகிறார். நேற்று நள்ளிரவு வீட்டருகே மர்மநபர்களால் கொலை செய்யப்பட்டார்.

இது குறித்து திருப்பூர் போலீசார் சம்பவ இடத்திற்கு வந்து விசாரணை மேற்கொண்டுள்ளனர். 3 தனிப்படைகளை அமைத்து குற்றவாளிகளை தேடி வருகின்றனர்.

ஓட ஒட விரட்டி படுகொலை செய்யப்பட்ட நிலையில், 3 பேர் கொண்ட அடையாளம் தெரியாத மர்மநபர்கள் கொலை செய்ததாக கூறப்படுகிறது.

இதே பாணியில் கடந்த 2016ஆம் ஆண்டு கோவையில் இந்து முன்னணி பிரமுகர் நள்ளிரவில் ஓட ஓட விரட்டி படுகொலை செய்யப்பட்ட சம்பவம் தமிழகத்தில் அதிர்வலையை ஏற்படுத்தியது குறிப்பிடத்தக்கது.