அதிமுக உடனான கூட்டணி கதவை சாத்திய விஜய்? செயற்குழுவில் வெளியான அதிரடி அறிவிப்பு!

2026-ஆம் ஆண்டு தமிழ்நாட்டில் நடைபெறவுள்ள சட்டமன்ற தேர்தலில் திமுகவும் அதிமுகவும் எதிரெதிர் துருவங்களாக களமிறங்குகின்றன. தற்போது திமுக கூட்டணியில் எவ்வித பிளவும் இல்லை. இருப்பினும், கூட்டணியில் உள்ள கட்சிகள் தேர்தல் உடன்பாடு குறித்து மற்ற கட்சிகளுடன் பேச்சுவார்த்தை நடத்துவதாக அரசியல் தகவல்கள் தெரிவிக்கின்றன.

மறுபுறம், அதிமுக தலைமையில் தேர்தல் கூட்டணி உருவாகியுள்ளது, அதில் பாஜக மற்றும் அமமுக இடம்பெற்றுள்ளன. ஆனால், தேமுதிக இன்னும் தனது முடிவை உறுதிப்படுத்தவில்லை.

2026 தேர்தலில் விஜய்யின் தவெக கட்சி அதிமுக கூட்டணியில் இணையலாம் என விவாதிக்கப்பட்டது. தவெக தலைவர் விஜய், தனது கட்சி தொடங்கியதிலிருந்து திமுக மற்றும் பாஜகவை கடுமையாக விமர்சித்து வருகிறார்.

தவெகவின் அரசியல் எதிரி திமுகவும், கொள்கை எதிரி பாஜகவும் என அவர் குறிப்பிட்டார். மாநிலத்தில் திமுகவையும், மத்தியில் பாஜகவையும் எதிர்க்கப்போவதாக விஜய் உறுதியாக அறிவித்தார்.

இதையும் படியுங்க: கல்லூரி மாணவியுடன் உல்லாசம்… நேரில் பார்த்த சிறுவன் : ஓசூர் கொலையில் டுவிஸ்ட்!

இதனால், 2026 தேர்தலில் தவெக அதிமுக கூட்டணியில் இணையலாம் என பேசப்பட்டது. ஆனால், பாஜகவும் அதிமுக கூட்டணியில் இருப்பதால், தவெக இணையுமா என கேள்வி எழுந்தது.

இந்நிலையில், 2026 தேர்தலில் தவெக தலைமையில் தனி கூட்டணி அமையும் என அதன் செயற்குழு கூட்டத்தில் தீர்மானிக்கப்பட்டுள்ளது. இதன்மூலம், முதல் சட்டமன்ற தேர்தலில் தவெக தனித்து அல்லது தனது தலைமையிலான கூட்டணியுடன் போட்டியிடும் என விஜய் தெளிவுபடுத்தியுள்ளார்.

மேலும், தவெகவின் முதலமைச்சர் வேட்பாளர் விஜய் என தீர்மானிக்கப்பட்டதால், அதிமுகவுடன் கூட்டணி இல்லை என்பது உறுதியாகியுள்ளது. செயற்குழு கூட்டத்தில் பேசிய விஜய், தவெக ஒருபோதும் திமுக அல்லது பாஜகவுடன் கூட்டணி அமைக்காது, அதிமுகவைப் போலவும் இல்லை எனவும், திமுக மற்றும் பாஜகவுடன் சமரசம் செய்ய வாய்ப்பே இல்லை என உறுதிப்படுத்தினார்.

முதன்முறையாக விஜய் அதிமுகவை விமர்சித்தது கவனிக்கத்தக்கது. தவெக கூட்டணியில் மற்ற கட்சிகள் இணைந்ததற்கான தகவல்கள் இதுவரை இல்லை.

நில மோசடி புகாரில் சிக்கிய மகேஷ் பாபு? நுகர்வோர் ஆணையத்தில் இருந்து பறந்த நோட்டீஸ்!