கணவர் இல்லாத நேரத்தில் கடை ஊழியருடன் உல்லாசம்.. காட்டிக் கொடுத்த சிசிடிவி.. மனைவி பேசிய பேரம்!

சென்னை ஸ்ரீபெரும்புதூர் அருகே மேவலூர் குப்பத்தில் பிரியாணி கடை நடத்தி வருபவர் அரி கிருஷ்ணன். இவரது மனைவி பவானி (39), கடையில் உதவியாக பணியாற்றினார்.

இந்நிலையில், கடையில் வேலை செய்த மதன்குமார் (29) என்பவருடன் பவானிக்கு ஏற்பட்ட பழக்கம், கள்ளக்காதலாக மாறியது. அரி கிருஷ்ணன் இல்லாத நேரத்தில் இருவரும் நெருக்கமாக இருந்தது, கண்காணிப்பு கேமரா மூலம் அவருக்கு தெரியவந்தது.

ஆத்திரமடைந்த அரி, மதனை வேலையிலிருந்து நீக்கினார்.இதனால் ஆத்திரமடைந்த பவானியும், மதனும், அரியை கொலை செய்ய முடிவு செய்து, திருவாரூரைச் சேர்ந்த கூலிப்படையை அணுகினர். 15 லட்ச ரூபாய் பேரத்தில் 2 லட்ச ரூபாய் முன்பணமாக கொடுத்தனர்.

இதன்படி, சென்னை-பெங்களூர் நெடுஞ்சாலையில் அரி மோட்டார் சைக்கிளில் செல்லும்போது, கூலிப்படையினர் காரால் மோதி கொல்ல முயன்றனர். ஆனால், அரி உயிர் தப்பினார்.பின்னர், கூலிப்படையினர் அரியை தொடர்பு கொண்டு, “உன் மனைவியும் கள்ளக்காதலனும் உன்னைக் கொல்ல 15 லட்சம் பேரம் பேசியுள்ளனர். 5 லட்சம் கொடுத்தால் உன்னை விடுவிக்கிறோம்” என மிரட்டினர்.

பயந்து போன அரி, 1.65 லட்சம் ரூபாய் கொடுத்தார். பின்னர், ஸ்ரீபெரும்புதூர் காவல் நிலையத்தில் புகார் அளித்தார்.போலீசார் வழக்குப்பதிவு செய்து, பவானி, மதன்குமார் மற்றும் கூலிப்படையினரான விக்னேஷ், விஜய், மணிகண்டன் ஆகிய 5 பேரை கைது செய்து விசாரணை நடத்தி வருகின்றனர்.