டிஸ்க் பிரேக்குகளுடன் புதிய 2021 டி.வி.எஸ் ஸ்டார் சிட்டி பிளஸ் அறிமுகம் | விலை & விவரங்கள்

2 March 2021, 2:56 pm
2021 TVS Star City Plus launched with disc brakes
Quick Share

டி.வி.எஸ் மோட்டார் நிறுவனம் ஸ்டார் சிட்டி பிளஸ் மோட்டார் சைக்கிளின் புதிய 2021 பதிப்பை இந்தியாவில், ரூ.68,465 (டெல்லி எக்ஸ்ஷோரூம்) விலையில் அறிமுகப்படுத்தியுள்ளது. வருடாந்திர புதுப்பித்தலுடன், இந்த புதிய பைக் பல புதிய அம்சங்கள் மற்றும் உபகரணங்களையும் சேர்த்துள்ளது.

புதிய ஸ்டார் சிட்டி பிளஸ் மோட்டார் சைக்கிள் இப்போது சிவப்பு-கருப்பு இரட்டை-தொனி வண்ண திட்டத்தில் கிடைக்கிறது. இது ET-Fi தொழில்நுட்பத்துடன் (ஈகோத்ரஸ்ட் ஃபியூயல் இன்ஜெக்ஷன்) புதுப்பிக்கப்பட்டுள்ளது, இது முந்தைய மாதிரியுடன் ஒப்பிடுகையில் 15% கூடுதல் எரிபொருள் சிக்கனத்தை வழங்குகிறது. இது LED ஹெட்லேம்ப் மற்றும் யூ.எஸ்.பி மொபைல் சார்ஜருடன் சேர்க்கப்பட்டுள்ளது.

டி.வி.எஸ் வழங்கிய தகவலின் படி, புதிய 2021 பதிப்பு ஸ்டார் சிட்டி+ இன் 15 ஆண்டு பாரம்பரியத்துடன் தொடர்கிறது, மேலும் இது இன்றுவரை 3 மில்லியனுக்கும் அதிகமான வாடிக்கையாளர்களையும் பெற்றுள்ளது.

110 சிசி, ஒற்றை சிலிண்டர், எரிபொருள் உட்செலுத்துதல் இன்ஜின் உடன் மோட்டார் சைக்கிள் 7,350 rpm இல் 8.08 bhp அதிகபட்ச சக்தியையும், 4,500 rpm இல் 8.7 Nm உச்ச திருப்புவிசையையும் வழங்குகிறது. இந்த இன்ஜின் பைக்கை அதிகபட்சமாக மணிக்கு 90 கி.மீ வேகத்தில் இயக்கம் திறனுடன் நான்கு வேக டிரான்ஸ்மிஷனையும் கொண்டுள்ளது.

பைக்கில் சஸ்பென்ஷன் கிட்டில் டெலெஸ்கோபிக் ஃபோர்க்ஸ் மற்றும் 5-படி சரிசெய்யக்கூடிய பின்புற ஷாக்ஸ் உள்ளன. இது 17 அங்குல சக்கரங்களில், டியூப்லெஸ் டயர்களுடன் பயணிக்கும். பைக்கில் பிரேக்கிங் கடமைகளை முன் முனையில் டிஸ்க் பிரேக்குகளும் மற்றும் பின்புறத்தில் டிரம் பிரேக்குகளும் கையாளுகின்றன.

பைக்கின் புதிய டிஸ்க் பிரேக் மாறுபாடு நிலையான மாடலை விட ரூ.2,600 மட்டுமே விலை உயர்ந்தது, நிலையான மாடல் இரு முனைகளிலும் டிரம் பிரேக்குகளைப் பெறுகிறது, இதன் விலை, ரூ.65,865 (எக்ஸ்-ஷோரூம், டெல்லி) ஆகும். 

Views: - 1

0

0