Ampere Electric | 75,000 யூனிட்டுகள் விற்பனை…இந்தியாவில் 300 வது டீலர்ஷிப்… வேற லெவலில் அசத்தும் ஆம்பியர் எலக்ட்ரிக்

தமிழ்நாட்டின் கோயம்புத்தூரை தளமாக கொண்ட  மின்சார இரு சக்கர வாகன உற்பத்தியாளரான ஆம்பியர் எலக்ட்ரிக், இதுவரையில் 75,000 ஸ்கூட்டர்களை இந்திய சந்தையில் விற்பனை செய்துள்ளது. நிறுவனம் 2018 ஆம் ஆண்டின் தொடக்கத்தில் இருந்து இப்போது வரையில் செய்ய விற்பனைகளின் அடிப்படையில் இந்த புதிய மைல்கல்லை எட்டியுள்ளது.

நிறுவனம் இந்த சாதனையை நினைவுகூரும் வகையில் நிறுவனம் தனது 300 வது டீலர்ஷிப் கடையை மகாராஷ்டிராவின் பன்வேல் பகுதியில் திறந்துள்ளது. சமீபத்திய டீலர்ஷிப் உடன், ஆம்பியர் நாட்டில் விரைவாக தனது இருப்பை விரிவுபடுத்தி வருகிறது. கோவிட்-19 தொற்றுநோயின் போதும் நாடு தழுவிய ஊரடங்கு விதிமுறைகள் தளர்த்தப்பட்டதிலிருந்து 80 டீலர்ஷிப் விற்பனை நிலையங்கள் சேர்க்கப்பட்டுள்ளது குறிப்பிடத்தக்கது.

சமீபத்திய அறிக்கையின்படி, மின்சார ஸ்கூட்டர்கள் மற்றும் மோட்டார் சைக்கிள்களின் விற்பனை இந்திய சந்தையில் கணிசமாக அதிகரித்துள்ளது. காற்று மாசுபாடு குறித்த விழிப்புணர்வு அதிகரித்து வருவதாலும், பெட்ரோல் விலை அதிகரித்து வருவதாலும் இந்தியாவில் மின்சார  வாகனங்களுக்கான தேவை அதிகரித்துள்ளது.

இந்நிறுவனம் கடந்த 18 மாதங்களில் நாட்டில் அதிகரித்து வரும் தேவையை பூர்த்தி செய்யும் வகையில் அதிக செயல்திறன் கொண்ட இரண்டு மின்சார 2 சக்கர வாகனங்களை அறிமுகப்படுத்தியுள்ளது. இதில் பிராண்டின் முதன்மை மாடலான ஆம்பியர் மேக்னஸ் புரோவும் அடங்கும். 

நிறுவனம் வெளியிட்டுள்ள அறிக்கையின்படி, இந்நிறுவனம் மின்சார ஸ்கூட்டர் பிரிவில் 20% க்கும் அதிகமான சந்தைப் பங்கைக் கொண்ட இந்தியாவின் மிகவும் விரும்பப்படும் EV பிராண்டுகளில் ஒன்றாக உருவெடுத்துள்ளது. 

ஆம்பியர் எலக்ட்ரிக் பல நிதி நிறுவனங்களுடன் கூட்டு சேர்ந்து பல்வேறு உரிமை விருப்பங்களை வழங்கியுள்ளது, இது நாட்டில் மின்சார ஸ்கூட்டர்களை ஏற்றுக்கொள்வதில் நுகர்வோரின் நம்பிக்கையை அதிகரிக்க உதவும். இது தவிர, வாடிக்கையாளர்களின் வீடுகளிலிருந்தே இ-ஸ்கூட்டர்களை முன்பதிவு செய்வதற்கான வசதியுடன் நிறுவனம் தனது ஆன்லைன் இருப்பையும் பலப்படுத்தியுள்ளது.

Updatenews Dhivagar

See author's posts

Views: - 0

0

0