மூன்றாவது முறையாக விலையுயர்ந்தது ஹோண்டா டியோ பிஎஸ் 6: புதிய விலை பட்டியல் விவரங்கள்

Quick Share

ஹோண்டா மோட்டார்சைக்கிள்ஸ் & ஸ்கூட்டர்ஸ் இந்தியா (HMSI) -வின் டியோ பிஎஸ் 6 ஸ்கூட்டர் இந்திய சந்தையில் அறிமுகப்படுத்தப்பட்டதில் இருந்து மூன்றாவது முறையாக விலையை அதிகரித்துள்ளது. டியோவின் இரு வகைகளுக்கும் விலைகள் உயர்த்தப்பட்டுள்ளன, இருப்பினும் இந்த உயர்வு ரூ.473 மட்டுமே ஆகும்.

ஹோண்டா டியோ இரண்டு வகைகளில் வழங்கப்படுகிறது: ‘STD’ மற்றும் டாப்-ஸ்பெக் ‘DLX’ டிரிம்ஸ். சமீபத்திய விலை உயர்வுக்குப் பிறகு, டியோ பிஎஸ் 6 ஸ்டாண்டர்ட் மாடல் ரூ.61,970 ஆகவும், டிஎல்எக்ஸ் டிரிம் விலை ரூ .65,320 ஆகவும் உள்ளது. குறிப்பிடப்பட்ட அனைத்து விலைகளும் எக்ஸ்-ஷோரூம் (டெல்லி).

அறிமுகப்படுத்தப்பட்ட நேரத்தில், ஹோண்டா டியோ பிஎஸ் 6 மாடல்கள் அதன் பிஎஸ் 4 மாடலை விட விலை உயர்ந்ததாக இருந்தது. ‘STD’ மாடல் ரூ.5,749 அதிக விலையுடனும் மற்றும் ‘DLX’ மாடல் ரூ.7,099 அதிக விலையுடனும் அறிமுகம் செய்ய்யப்பட்டது.

இந்த ஸ்கூட்டர் ஹோண்டாவின் புரோகிராம் செய்யப்பட்ட எரிபொருள் உட்செலுத்துதல் மற்றும் ESP (மேம்படுத்தப்பட்ட ஸ்மார்ட் பவர்) அமைப்புடன் 110 சிசி பிஎஸ் 6 இன்ஜின் உடன் இயக்கப்படுகிறது. ஹோண்டா டியோ ஸ்கூட்டரில் உள்ள 110 சிசி இன்ஜின் 8,000 rpm இல் 7.6 bhp மற்றும் 4,750 rpm இல் மணிக்கு 9 Nm உச்ச திருப்புவிசையை உற்பத்தி செய்கிறது. பிஎஸ் 6 இணக்கமான டியோ பிராண்டின் ‘ACG’ ஸ்டார்டர் சிஸ்டத்தை கொண்டுள்ளது, இது ஒவ்வொரு முறையும் அமைதியாகவும், தடையில்லாமலும் ஸ்டார்ட் ஆவதை உறுதி செய்கிறது.