ஜியோ vs ஏர்டெல் vs Vi: ரூ.250 க்கு கீழ் கிடைக்கும் சிறந்த ப்ரீபெய்டு திட்டங்களின் பட்டியல்

Author: Dhivagar
25 August 2021, 12:35 pm
Jio vs Airtel vs Vi List of best prepaid plans
Quick Share

ரிலையன்ஸ் ஜியோ, ஏர்டெல் மற்றும் வோடபோன் ஐடியா என அனைத்து தொலைத்தொடர்பு நிறுவனங்களுமே பல்வேறு ப்ரீபெய்டு ரீசார்ஜ் திட்டங்களை வழங்குகின்றன. 

அவற்றில் வரம்பற்ற அழைப்புகள், தினசரி எஸ்எம்எஸ் நன்மைகள் மற்றும் தினமும் 1 GB க்கு மேல் டேட்டா போன்ற நன்மைகளை வழங்கும் திட்டங்களைத் தேடுகிறீர்கள் என்றால், கீழே பட்டியலிடப்பட்டுள்ள ப்ரீபெய்டு திட்டங்களில் உங்களுக்கு ஏற்ற ஒன்றை நீங்கள் தேர்வு செய்து கொள்ளலாம். 250 ரூபாய்க்குள் கிடைக்கும் ரீசார்ஜ் திட்டங்களை பட்டியலிட்டுள்ளோம். 

ரிலையன்ஸ் ஜியோ ப்ரீபெய்டு திட்டங்கள் 

  • ஜியோ பல்வேறு தேவைகளுக்கு ஏற்ப வெவ்வேறு திட்டங்களைக் வழங்குகிறது. 
  • ரூ.199 ப்ரீபெய்டு ந்த திட்டத்துடன் நீங்கள் தினசரி 1.5 GB டேட்டாவைப் பெறுவீர்கள், டேட்டா தீர்ந்துவிட்டால் வேகம் 80Kbps ஆக குறைக்கப்படும். 
  • எனவே, இந்த திட்டத்துடன் மொத்தமாக 42 GB டேட்டாவை 28 நாட்கள் வேலிடிட்டி உடன் பெறுவீர்கள். 
  • நீங்கள் அனைத்து நெட்வொர்க்குகளுக்கும் வரம்பற்ற குரல் அழைப்புகள் மற்றும் ஒரு நாளைக்கு 100 எஸ்எம்எஸ் ஆகியவற்றை இந்த திட்டத்துடன் பெற முடியும்.
  • தினசரி தரவு வரம்பு இல்லாத ப்ரீபெய்டு திட்டத்தை விரும்புபவர்கள் ரூ.247 திட்டத்தை வாங்கலாம். இருப்பினும், இது மொத்த 25 GB டேட்டாவை மட்டுமே வழங்குகிறது. அனைத்து நெட்வொர்க்குகளுக்கும் வரம்பற்ற அழைப்புகள் மற்றும் ஒரு நாளைக்கு 100 எஸ்எம்எஸ் ஆகியவை இந்த திட்டத்துடன் கிடைக்கும்.

ஏர்டெல் ப்ரீபெய்டு திட்டங்கள்

  • ஏர்டெல்லின் ரூ.249 ப்ரீபெய்டு திட்டம் தினசரி 1.5 GB டேட்டாவை வழங்குகிறது. 
  • இந்த திட்டத்தின் அனைத்து நன்மைகளும் ஜியோவின் ரூ .199 ப்ரீபெய்டு திட்டத்தைப் போன்றது தான். 
  • ஆனால், இதில் அமேசான் ப்ரைம் வீடியோ மொபைல் பதிப்பு, ஏர்டெல் எக்ஸ்ட்ரீம் பிரீமியம் சந்தா, இலவச ஹெலோடூன்ஸ், ஷா அகாடமிக்கு ஒரு வருட இலவசப் படிப்பு, ஃபாஸ்டேக்கின் ரூ.100 கேஷ்பேக் சலுகை, இலவச வின்க் மியூசிக் மற்றும் அப்போலோ 24/7 வட்டம் ஆகிய சலுகைகளும் இலவசமாக கிடைக்கும். 
  • நீங்கள் மலிவான ஏர்டெல் ப்ரீபெய்டு திட்டத்தைத் தேடுகிறீர்களானால், ஏர்டெல் ரூ.219 ப்ரீபெய்டு திட்டத்தை தினமும் 1 GB டேட்டா, வரம்பற்ற அழைப்புகள் மற்றும் ஒரு நாளைக்கு 100 எஸ்எம்எஸ் ஆகியவற்றுடன் வழங்குகிறது.

Vi ப்ரீபெய்டு திட்டங்கள்

  • ரூ.249 விலையிலான ப்ரீபெய்டு திட்டத்தை Vi வோடபோன் ஐடியாவும் கொண்டுள்ளது. 
  • வோடபோன் ஐடியா பயனர்களுக்கு 1.5 GB தினசரி டேட்டா, வரம்பற்ற அழைப்பு மற்றும் ஒரு நாளைக்கு 100 எஸ்எம்எஸ் ஆகியவற்றை வழங்கும். 
  • நீங்கள் 12:00 AM முதல் 6:00 AM வரை வரம்பற்ற இலவச இரவு நேர டேட்டா சேவையைப் பெறுவீர்கள்.
  • இந்த திட்டம் வார இறுதி டேட்டா ரோல்ஓவர் வசதியுடன் வருகிறது. இது 28 நாட்கள் வேலிடிட்டி உடன் வருகிறது.
  • ரூ.219 விலையிலான ப்ரீபெய்டு திட்டமும் உள்ளது, இதில் 1 GB தினசரி டேட்டா, ஒரு நாளைக்கு 100 எஸ்எம்எஸ் மற்றும் வரம்பற்ற அழைப்புகள் உள்ளன. 
  • இது 28 நாட்கள் செல்லுபடியாகும் காலத்துடன் வருகிறது. மீதமுள்ள நன்மைகள் ரூ.249 ரீசார்ஜ் திட்டத்தைப் போலவே இருக்கும். இந்த திட்டத்தில் கூடுதலாக 2 GB டேட்டாவும் கிடைக்கும்.

Views: - 246

0

0