மைக்ரோசாப்ட் சர்ஃபேஸ் லேப்டாப் கோ மற்றும் புதுப்பிக்கப்பட்ட சர்ஃபேஸ் புரோ X லேப்டாப் அறிமுகம்!

2 October 2020, 10:47 am
Microsoft launches its affordable Surface Laptop Go and updated Surface Pro X: Price, specs and more
Quick Share

மைக்ரோசாப்ட் இன்று தனது மிகவும் மலிவு விலையிலான சர்ஃபேஸ் மடிக்கணினியை அமெரிக்காவில் $549 விலையில் வெளியிட்டுள்ளது. சர்ஃபேஸ் லேப்டாப் கோ என்று அழைக்கப்படும் இந்த சாதனம் மாணவர்கள் மற்றும் குறைவான விலையில் சாதனங்களை எதிர்பார்ப்பவர்களை இலக்காகக் கொண்டுள்ளது. இதன் மூலம் நிறுவனம் சிறந்த மைக்ரோசாஃப்ட் மென்பொருள் சேவைகள் மற்றும் பயன்பாடுகளை வழங்க திட்டமிட்டுள்ளது. இதோடு, நிறுவனம் மேம்படுத்தப்பட்ட மைக்ரோசாஃப்ட் சர்ஃபேஸ் புரோ எக்ஸ் லேப்டாப்பை $1,499.99 விலையில் அறிமுகம் செய்துள்ளது. இரண்டு சாதனங்களும் அக்டோபர் 13 முதல் அமெரிக்காவில் கிடைக்கும்.

மைக்ரோசாஃப்ட் சர்ஃபேஸ் லேப்டாப் கோ

இலகுரக எடைக்கொண்ட வடிவமைப்பில், சர்ஃபேஸ் லேப்டாப் கோ ஐஸ் ப்ளூ, பிளாட்டினம் மற்றும் பிங்கிஷ்-கோல்டு வண்ண வகைகளைக் கொண்ட ஒரு உலோக உருவாக்கத்தைக் கொண்டுள்ளது மற்றும் Log in செய்ய கைரேகை சென்சாரையும் கொண்டுள்ளது. இது விண்டோஸ் ஹலோ பயோமெட்ரிக் அங்கீகாரத்தால் (Windows Hello biometric authentication) இயக்கப்படுகிறது.

இது தவிர, உங்களுக்கு 13 மணிநேர பேட்டரி ஆயுள் மற்றும் 10-ஜென் இன்டெல் கோர் i5 செயலி கிடைக்கும். இது 3:2 விகிதத்தில் 12.4 அங்குல பிக்சல்சென்ஸ் தொடுதிரை மற்றும் 1536×1024 பிக்சல்கள் தீர்மானத்துடன் வருகிறது. இந்த சாதனம் 256 ஜிபி வரை ஸ்டோரேஜ் மற்றும் 16 ஜிபி ரேம் அம்சங்களைக் கொண்டுள்ளது.

யூ.எஸ்.பி டைப்-A போர்ட், யூ.எஸ்.பி டைப்-C போர்ட், 3.5 மிமீ ஹெட்போன் / மைக்ரோஃபோன் காம்போ ஜாக் மற்றும் சர்ஃபேஸ் கனெக்டர் ஆகியவை சர்ஃபேஸ் லேப்டாப் கோ லேப்டாப்பில் சேர்க்கப்பட்டுள்ளன. இது 720p வெப்கேம், டால்பி ஆடியோ ட்யூனிங் கொண்ட ஆம்னிசோனிக் ஸ்பீக்கர்கள் மற்றும் வைஃபை 6 ஆதரவையும் கொண்டுள்ளது.

பேட்டரியைப் பொறுத்தவரை, தயாரிப்பு ஒரே சார்ஜிங்கில் 13 மணி நேரம் வரை இயங்கும் என்று கூறப்படுகிறது.

மைக்ரோசாஃப்ட் சர்ஃபேஸ் புரோ X

Microsoft launches its affordable Surface Laptop Go and updated Surface Pro X: Price, specs and more

புதுப்பிக்கப்பட்ட மடிக்கணினி முந்தைய பாதிப்பைப் போலவே அதே வடிவமைப்பைக் கொண்டுள்ளது. இருப்பினும், உண்மையான புதுப்பிப்பு உள்ளகத்தில் உள்ளது. இந்த நேரத்தில், சர்ஃபேஸ் புரோ X மைக்ரோசாப்டின் புதிய SQ2 செயலியுடன் வருகிறது, இது குவால்காம் உடன் இணைந்து வடிவமைக்கப்பட்டதாகக் கூறப்படுகிறது. 

மைக்ரோசாஃப்ட் தகவலின் படி, SQ2 என்பது நிறுவனத்தின் வேகமான சிப்செட் ஆகும், இது குறைந்த பேட்டரியைப் பயன்படுத்தும் போது அதிக சக்திவாய்ந்த செயல்திறனைக் கொண்டுவருகிறது. நிறுவனம் ARM இல் விண்டோஸில் மேம்பாடுகளைச் செய்துள்ளது. விஷுவல் ஸ்டுடியோ கோட் புதுப்பிப்புகள் மற்றும் மேம்படுத்தல்களும் இதில் அடங்கும்.

13 அங்குல பிக்சல்சென்ஸ் திரை 2880×1920 தீர்மானம், 16 ஜிபி ரேம் வரை, 512 ஜிபி SSD வரை ஸ்டோரேஜ் மற்றும் 15 மணி நேரம் வரை பேட்டரி ஆயுள் கொண்டுள்ளது. டால்பி ஆடியோ மற்றும் வைஃபை ஆதரவுடன் 2W ஸ்டீரியோ ஸ்பீக்கர்களுடன் இரட்டை தொலைதூர மைக்ரோஃபோன்களும் உள்ளன.

Views: - 69

0

0