மின்சார ஸ்கூட்டர்களின் வீட்டு விநியோக சேவையைத் தொடங்கியது ஒகினாவா | முழு விவரம் அறிக

குருகிராம் நகரத்தைச் சார்ந்த மின்சார இரு சக்கர வாகன உற்பத்தியாளரான ஒகினாவா, தனது இ-ஸ்கூட்டர்களுக்கான வீட்டு விநியோகத்தை 2020 ஆகஸ்ட் 15 முதல் தொடங்கியதாக அறிவித்துள்ளது. தற்போது வரை, இந்த சேவை பெங்களூரில் மட்டுமே கிடைக்கும், மேலும் அதைப் பொறுத்து மற்ற நகரங்களுக்கும் விரிவுபடுத்தப்படும் என்றும்  தெரிவித்துள்ளது.

COVID-19 ஊரடங்கிலிருந்து அரசாங்கம் தளர்வு கொடுக்கத் தொடங்கியதிலிருந்து சமூக விலகலைத் தவிர்க்க தேவையான நடவடிக்கைகளை நிறுவனம் எடுத்து வருகிறது. இது சமீபத்தில் தனது மின்சார ஸ்கூட்டர்களுக்கான ஆன்லைன் முன்பதிவுகளை எடுக்கத் தொடங்கியது.

அதைத் தொடர்ந்து சுதந்திர தினத்தை முன்னிட்டு ரூ.6,000 மதிப்பிலான பரிசு வவுச்சர்களையும் அறிவித்தது. வீட்டு விநியோக சேவை இலவசமாக கிடைக்கிறது, இது குறைந்தபட்சமான உடல்வழி தொடர்புகளை மட்டுமே கொண்டிருக்கும் என்று ஒகினாவா தெரிவித்துள்ளது. நிறுவனம் அதன் சேனல் கூட்டாளர்களுடன் இதற்கான ஒருங்கிணைந்துச் செயல்படுகிறது.

ஒகினாவா தற்போது அதன் இலாகாவில் ரைஸ், ரிட்ஜ், பிரைஸ், ஐ-பிரைஸ், பிரைஸ் புரோ, லைட் மற்றும் ரிட்ஜ் பிளஸ் உள்ளிட்ட ஏழு மின்சார ஸ்கூட்டர்களைக் கொண்டுள்ளது. மின்சார மோட்டார் சைக்கிள் மற்றும் மேக்ஸி இ-ஸ்கூட்டரை வரும் மாதங்களில் அறிமுகப்படுத்தவும் நிறுவனம் திட்டமிட்டுள்ளது. 

Updatenews Dhivagar

See author's posts