EN
செப்டம்பர் 23 அன்று அறிமுகமாகிறது சாம்சங் கேலக்ஸி S20 ஸ்மார்ட்போனின் ரசிகர் பதிப்பு!
14 September 2020, 6:45 pm
சாம்சங் நிறுவனம் செப்டம்பர் 23 அன்று மற்றொரு ‘கேலக்ஸி அன்பேக்டு நிகழ்வை அறிவித்துள்ளது, இது இரண்டு மாதங்களுக்குள் அதன் மூன்றாவது வெளியீட்டு நிகழ்வாக இருக்கும்.
இருப்பினும் எந்த சாதனம் இந்நிகழ்வில் அறிமுகப்படுத்தப்படும் என்று சாம்சங் அறிவிக்கவில்லை. இந்த நிகழ்வில் நிறுவனம் கேலக்ஸி S20 ரசிகர் பதிப்பை அறிவிக்கும் என்று எதிர்பார்க்கப்படுகிறது. சாம்சங் நீண்ட காலமாக தாமதமான கேலக்ஸி ஹோம் ஸ்பீக்கரை இந்த நிகழ்வில் அறிமுகபடுத்தக்கூடும்.
இந்த நிகழ்வு சாம்சங் நியூஸ்ரூம் தளம் மற்றும் பேஸ்புக் மற்றும் யூடியூப் உள்ளிட்ட அதன் சமூக ஊடக சேனல்கள் வழியாக செப்டம்பர் 23 காலை 10 மணிக்கு ET (இந்திய நேரப்படி இரவு 7:30 மணிக்கு) வழியாக நேரடியாக ஒளிபரப்பப்படும்.
இதுவரை கசிந்த தகவலின்படி, சாம்சங் கேலக்ஸி S20 FE 6.5 இன்ச் FHD+ சூப்பர் அமோலெட் (2400 x 1080 பிக்சல்கள்) இன்ஃபினிட்டி-O டிஸ்ப்ளே 120Hz புதுப்பிப்பு வீதம், 20:9 விகிதம் மற்றும் கார்னிங் கொரில்லா கிளாஸ் 3 ஆகியவற்றைக் கொண்டிருக்கும். வெள்ளை, சிவப்பு, பச்சை, நீலம், ஆரஞ்சு, லாவெண்டர் மற்றும் பச்சை ஆகிய வண்ணங்களில் வரக்கூடும். இது 8 ஜிபி ரேம் மற்றும் 512 ஜிபி வரை இன்டெர்னல் ஸ்டோரேஜ் உடன் இணைந்த சந்தையைப் பொறுத்து ஸ்னாப்டிராகன் 865 சிப்செட் அல்லது எக்ஸினோஸ் 990 SoC ஆல் இயக்கப்படுகிறது என்று கூறப்படுகிறது. இது மைக்ரோ SD கார்டு வழியாக மேலும் விரிவாக்கப்படலாம்.
கேமராக்களைப் பொறுத்தவரை, சாம்சங் கேலக்ஸி S20 FE மூன்று 12 எம்பி சென்சார்களைக் கொண்ட மூன்று பின்புற கேமராக்களைக் கொண்டிருக்கும் என்று கூறப்படுகிறது. முன்பக்கத்தில், 32 எம்பி செல்பி கேமரா இருப்பதாகக் கூறப்படுகிறது. தொலைபேசி ஆன்ட்ராய்டு 10 OS ஐ OneUI தனிபயன் லேயருடன் இயக்க வாய்ப்புள்ளது.
சாம்சங் கேலக்ஸி S20 ரசிகர் பதிப்பு 4,500 mAh பேட்டரியை 15W சார்ஜிங் ஆதரவு, வயர்லெஸ் சார்ஜிங் மற்றும் தலைகீழ் வயர்லெஸ் சார்ஜிங் ஆகியவற்றைக் கொண்டு பேக் செய்யலாம். இது தூசி மற்றும் நீர் எதிர்ப்பிற்காக IP 68 சான்றளிக்கப்பட்டதாக இருக்கும்.
இணைப்பு விருப்பங்களில் 5 ஜி, 4 ஜி LTE, டூயல்-பேண்ட் வைஃபை, புளூடூத் 5.0, ஜிபிஎஸ் மற்றும் யூ.எஸ்.பி டைப்-C போர்ட் ஆகியவை இருக்கலாம். தொலைபேசி 161 x 73 x 8 மிமீ அளவுகளையும் மற்றும் 190 கிராம் எடையையும் கொண்டிருக்கும்.
