மாநாடு எல்லாம் வேண்டாம், விட்டுடுங்க… நமக்கு வேற வேலை இருக்கு : கட்சி நிர்வாகிகளுக்கு அண்ணாமலை வேண்டுகோள்..!!

Author: Babu Lakshmanan
28 November 2021, 10:49 am
annamalai - maanadu - udpatenews360
Quick Share

சென்னை : திரைப்படத்துறை விமர்சனங்களை தவிர்ப்போம்‌ என்று பாஜக நிர்வாகிகளுக்கு மாநில தலைவர் அண்ணாமலை வேண்டுகோள் விடுத்துள்ளார்.

சிம்பு நடிப்பில் வெளியான மாநாடு திரைப்படத்திற்கு தடை விதிக்க வேண்டும் என்று பாஜக மூத்த நிர்வாகி வேலூர் இப்ராஹிம் கூறியிருந்தார். இந்த நிலையில், கட்சி நிர்வாகிகளுக்கு அண்ணாமலை ஒரு அறிக்கையை வெளியிட்டுள்ளார்.

அந்த அறிக்கையில் கூறியிருப்பதாவது ;- வரலாறு மற்றும்‌ உண்மை சம்பவங்களை மையமாகக்‌ கொண்டு வரும்‌ திரைப்படங்களில்‌ உண்மைக்கு புறம்பானக்‌ கருத்துக்கள்‌ வந்தால்‌ அதை மக்களுக்கு எடுத்துரைப்பதில்‌ எந்த தவறும்‌ இல்லை. சில இடத்திலே பாரதிய ஜனதா கட்சி, நம்முடைய கண்டனங்களை கடுமையாக பதிவும்‌ செய்திருக்கன்றது.

திரைப்படம்‌ என்பது பெரும்பாலும்‌ இயக்குநரின்‌ கற்பனையின்‌ வெளிப்பாடு. அவர்கள்‌ பார்த்த, படித்த மற்றும்‌ கேள்விப்பட்ட சம்பங்களின்‌ அடிப்படையில்‌ ஒரு திரைப்படம்‌ உருவாகிறது. நமது கட்சியின்‌ சகோதர சகோதரிகள்‌, சிலநேரங்களில்‌ பொழுதுபோக்கு திரைப்படங்களையும்‌ விமர்சிக்கத்‌ தொடங்கியுள்ளனர்‌.

கட்சியில்‌ முக்கிய பதவியில்‌ இருக்கும்‌ யார்‌ சொல்லும்‌ கருத்தும்‌ கட்சியின்‌ கருத்தாக மாறுகின்ற சூழல்‌ இருக்கிறது. அது நிறைய நேரத்தில்‌ நமது கட்சியின்‌ கருத்தாக மாறிவிடுகிறது. எப்பொழுது, எதற்காக பேச வேண்டுமோ அப்பொழுது பேச வேண்டும்‌. பேசக்கூடாத நேரத்தில்‌, பேசுவதை தவிர்க்க வேண்டிய இடத்தில்‌ பேசாமல்‌ இருப்பது அதைவிட முக்கியமான அரசியல்‌ நயம்‌!

நமது இலக்கு, நமக்குக்‌ கொடுக்கப்பட்ட பொறுப்பு, நமக்கு முன்‌ இருக்கும்‌ சவால்கள்‌ இவற்றை மனதில்‌ கொண்டு கவனமாகச்‌ செயல்படுங்கள்‌! எனவே திரைப்படத்‌ துறை குறித்து தேவையற்ற விமர்சனங்கள்‌ விவாதங்கள்‌ கருத்துக்களை கட்சி நிர்வாடுகள்‌ தவிர்க்க வேண்டும்‌ என்பதை தெரிவித்துக்‌ கொள்கிறேன்‌, என தெரிவித்துள்ளார்.

Views: - 184

0

0