பாஜக மாநில தலைவர் அண்ணாமலைக்கு ஏற்பட்ட உடல்நலக் குறைவால் அக்.,6ம் தேதி தொடங்கவிருந்த என் மண் என் மக்கள் யாத்திரை ஒத்திவைக்கப்படுவதாக அறிவிக்கப்பட்டுள்ளது.
பாஜக மாநில தலைவர் அண்ணாமலை, ஜெயலலிதா, அண்ணா குறித்து பேசியது அதிமுகவினரிடையே பொறுமையை இழக்கச் செய்தது. இருதரப்பினரும் பகிரங்கமாக வார்த்தை மோதலில் ஈடுபட்டனர். இருப்பினும், தன்னுடைய கருத்தில் இருந்து அண்ணாமலை பின்வாங்கவில்லை. இதையடுத்து, பாஜகவுடன் இனி கூட்டணி கிடையாது என்று அதிமுக அறிவிப்பை வெளியிட்டது. இது தமிழக அரசியலில் பெரும் பரபரப்பை ஏற்படுத்தியது.
இந்த அறிவிப்பை இரு கட்சியினரும் பட்டாசு வெடித்து கொண்டாடினர். ஆனால், பாஜக தேசிய தலைமை இதனை விரும்பவில்லை என்று தெரிகிறது.
இதனிடையே, அதிமுக – பாஜக முறிவுக்கு பின் முதல்முறையாக அண்ணாமலை டெல்லி சென்றுள்ளார். அங்கு கட்சியின் மூத்த தலைவர்களை சந்தித்து பேசினார். அப்போது, அதிமுகவுடனான கூட்டணி முறிவு குறித்து அண்ணாமலையிடம் விளக்கம் கேட்கப்பட்டிருப்பதாகவும் சொல்லப்படுகிறது. மேலும், தமிழகத்தில் அதிமுக கூட்டணி முறிவு ஏற்பட்டது பாஜக தேசிய தலைமைக்கு அதிருப்தியையே ஏற்படுத்தி இருப்பதாகவும் தகவல் வெளியாகியது.
இதைத் தொடர்ந்து, நேற்று பாஜக மாநில தலைவர் அண்ணாமலை சென்னை வந்தார். அவர் டெல்லி சென்றதால், தமிழக பாஜக ஆலோசனைக் கூட்டம் 5ம் தேதியும், அடுத்த கட்ட நடைபயணம் 6ம் தேதியும் நடைபெறும் என அறிவிக்கப்பட்டிருந்தது.
இந்த நிலையில், பாஜக மாநில தலைவர் அண்ணாமலைக்கு திடீரென உடல்நலக்குறைவு ஏற்பட்டிருப்பதாகவும், மூச்சுக்குழாய் நோய்த் தொற்று காரணமாக 5 நாட்களுக்கு அவர் ஓய்வெடுக்க வேண்டும் என்று மருத்துவர்கள் பரிந்துரைத்துள்ளனர். இதனால், அக்.,6ம் தேதி தொடங்கவிருந்த என் மண் என் மக்கள் யாத்திரை ஒத்திவைக்கப்பட்டுள்ளது.
இது தொடர்பாக தமிழக பாஜக வெளியிட்டுள்ள அறிக்கையில், பாஜக மாநில தலைவர் அண்ணாமலையின் நடைபயணம் அக்., 16ம் தேதிக்கு தள்ளி வைக்கப்படுவதாகவும், திருத்தப்பட்ட நடைபயண பட்டியல் விரைவில் வெளியிடப்படும் என அறிவிக்கப்பட்டுள்ளது. மேலும், நாளை திட்டமிட்டபடி மாவட்ட தலைவர்கள் கூட்டம் நடைபெறும் என தெரிவிக்கப்பட்டுள்ளது.
டெல்லி சென்று திரும்பிய பிறகு மாநில தலைவர் அண்ணாமலைக்கு திடீர் உடல்நலக்குறைவு ஏற்பட்டிருப்பது தொண்டர்களிடையே அதிர்ச்சியை ஏற்படுத்தியுள்ளது.
மதுரை புறநகர் கிழக்கு மாவட்டத்திலுள்ள மதுரை கிழக்கு (தெற்கு) ஒன்றிய கழகத்தின் சார்பில் பூத் கமிட்டி கிளைக் கழக கூட்டம்…
சின்மயி VS தீ “தக் லைஃப்” திரைப்படத்தில் இடம்பெற்ற “முத்த மழை” பாடலை தமிழில் பாடகி தீ பாடியிருந்தார். எனினும்…
தமிழக பாஜக முன்னாள் தலைவர் அண்ணாமலை வெளியிட்டுள்ள X தளப்பதிவில், தஞ்சாவூர் மாவட்டத்தில், தனியார் சர்க்கரை ஆலையில், கரும்பு கொள்முதலுக்கான…
ரசிகர்களுக்கான படம் அஜித்குமார் நடிப்பில் ஆதிக் ரவிச்சந்திரன் இயக்கத்தில் கடந்த ஏப்ரல் மாதம் வெளிவந்த “குட் பேட் அக்லி” திரைப்படம்…
திருப்பூரில் செய்தியாளர்களை சந்தித்த தமிழ்நாடு பாஜக முன்னாள் தலைவர் அண்ணாமலை, தேர்தல் வர வர எல்லா கட்சியும் தங்கள் கொள்கைகளை…
பாண்டியன் ஸ்டோர்ஸ் நடிகை விஜய் தொலைக்காட்சியில் ஒளிபரப்பாகி சின்னத்திரை ரசிகர்களின் மத்தியில் மிகப்பெரிய வரவேற்பை பெற்ற தொடர் “பாண்டியன் ஸ்டோர்ஸ்”.…
This website uses cookies.