திருச்சி உள்ளாட்சி இடைத்தேர்தலில்10 வார்டு உறுப்பினர்கள் போட்டியின்றி தேர்வு

Author: Udhayakumar Raman
25 September 2021, 6:59 pm
Quick Share

திருச்சி: திருச்சி மாவட்டம் உள்ளாட்சி இடைத்தேர்தலில்10 வார்டு உறுப்பினர்கள்போட்டியின்றி தேர்வு செய்யப்பட்டனர்.

தமிழகம் முழுவதும் 9 மாவட்டங்களுக்கான உள்ளாட்சித் தேர்தல் அறிவிக்கப்பட்டது. தொடர்ந்து திருச்சியில் மணப்பாறை, லால்குடி, துறையூர் உள்ளிட்ட சட்டமன்ற தொகுதியில் உள்ளாட்சி மன்றங்களுக்கான உறுப்பினர் மற்றும் பஞ்சாயத்து தலைவர்களுக்கான இடைத்தேர்தல் அறிவிக்கப்பட்டது. இதற்கான வேட்புமனு தாக்கல் நடைபெற்றது. உள்ளாட்சி பதவிகளுக்கான இடைத்தேர்தலில் 3 ஊராட்சி ஒன்றிய உறுப்பினர்கள், 2 கிராம பஞ்சாயத்து தலைவர்கள்,
19 கிராம பஞ்சாயத்து உறுப்பினர்கள் என மொத்தம் 24 பதவிகளுக்கு போட்டியிட 74 பேர் மனு செய்திருந்தனர். இதில் 2 மனுக்கள் தள்ளுபடி செய்யப்பட்டது. மனு வாபஸ் பெறும் நாளான இன்று 15 மனுக்கள் வாபஸ் பெறப்பட்டன. இதன் காரணமாக தற்போது களத்தில் 47பேர் போட்டியிடுகின்றனர்.

இந்நிலையில் மணிகண்டம் நாகமங்கலம் 8வது வார்டு, மணப்பாறை கே.பெரியபட்டி 2வது வார்டு, மணப்பாறை சீகாமபட்டி 1வது வார்டு, மருங்காபுரி தீனுார் 8வது வார்டு, மருங்காபுரி தீனுார் 1வது வார்டு, மருங்காபுரி கொடும்பபட்டி 4வது வார்டு, லால்குடி கொன்னைகுடி 5வது வார்டு, முசிறி ஜெயங்கொண்டன் 2வது வார்டு, தா.பேட்டை தும்பலம் 8வது வார்டு, தொட்டியம் எம்.களத்துார் 6வது வார்டு, ஆகிய கிராம பஞ்சாயத்து உறுப்பினர்கள் அந்தந்த இடங்களுக்கு ஒருவர் மட்டுமே மனு தாக்கல் செய்யப்பட்டிருப்பதால் போட்டியின்றி மேற்கண்ட வார்டு உறுப்பினர்கள் தேர்தெடுக்கப்பட்டு உள்ளனர். எனவே, அடுத்த மாதம் 9ஆம் தேதி நடைபெறும் இடைத்தேர்தலில் மீதம் உள்ள 14 இடங்களுக்கு மட்டுமே தேர்தல் நடைபெற உள்ளது.

Views: - 112

0

0