125 ஆவது சிப்பாய் புரட்சி நினைவு தினம் : இறந்த இந்திய ராணுவ வீரர்களுக்கு அஞ்சலி

10 July 2021, 2:31 pm
Quick Share

வேலூர்: வேலூரில் 125 ஆவது சிப்பாய் புரட்சி நினைவுதினத்தில் ஆட்சியர் காவல் கண்காணிப்பாளர் உள்ளிட்ட அதிகாரிகள் மலர் வளையம் வைத்து இறந்த இந்திய ராணுவ வீரர்களுக்கு அஞ்சலி செலுத்தினர்.

வேலூர் மாவட்டம்,வேலூர் கோட்டை அருகில் உள்ள சிப்பாய் புரட்சியின் 125ஆவது ஆண்டை முன்னிட்டு சிப்பாய் புரட்சி நினைவுதூண் மலர்களால் அலங்கரிக்கப்பட்டு மாவட்ட ஆட்சியர் குமாரவேல் பாண்டியன், மாவட்ட காவல் கண்காணிப்பாளர் செல்வகுமார், வருவாய் அலுவலர் பார்த்தீபன் உள்ளிட்ட அரசு அதிகாரிகள், பொதுமக்கள் ஆகியோர் மலர் தூவி மலர் வளையம் வைத்து காவலர்களின் இன்னிசையுடன் அஞ்சலியை செலுத்தினார்கள். 1806 ஆம் ஆண்டு ஜுலை 10 ஆம் நாள் இந்திய ராணுவ வீரர்களுக்கு அப்போதைய ஆங்கில அரசின் மதராஸ் படையின் முதன்மை தளபதி சர் ஜான் கிரேடக் என்பவன் பல புதிய விதிமுறைகளை புகுத்தினான். இந்துக்கள் கடுக்கன் அணிய கூடாது,

நெற்றியில் சமய சின்னங்களை அணிய கூடாது, இஸ்லாமியர்கள் தாடி அகற்றி மீசை வைத்து கொள்ள வேண்டும், பசுதோலால் ஆன சுங்கு தொங்கும் குல்லா அணிய வேண்டும், சிலுவை போன்ற சின்னத்தை மார்பில் அணிய வேண்டும் என கூறியதால்,இதனை ஏற்காத இந்திய சிப்பாய்கள் 1806 ஆம் ஆண்டு ஜுலை 10 ஆம் நாள் விடியற்காலை 4 மணிக்கு கோட்டையில் புரட்சி செய்து ஆங்கிலேயே அதிகாரிகளையும் வீரர்கள் சிலரையும் கொன்றனர். கோட்டையில் பறந்த ஆங்கில அரசின் யூனியன் கொடியை இறக்கிவிட்டு திப்புவின் புலிக்கொடியை ஏற்றினார்கள். இதனால் ஆத்திரமடைந்த ஆங்கில அரசு ராணிப்பேட்டையில் இருந்து காலப்பர் துப்பாக்கி படைகளை கொண்டு வந்து கோட்டையினுள்ளே புகுந்து இந்திய ராணுவ வீரர்கள் 800-க்கும் மேற்பட்டோரை சுட்டுகொன்றனர்.

இது தான் இந்தியாவின் முதல் சுதந்திர போருக்கு விதித்திட்ட புரட்சியாகும். இதில் இறந்த ராணுவ வீரர்களுக்கு ஆண்டுதோறும் சிப்பாய் புரட்சி நினைவு தினத்தில் அஞ்சலி செலுத்தப்பட்டு வருகிறது. இந்த ஆண்டு கொரோனா பாதிப்பு காரணமாக முன்னாள் படைவீரர்கள் அதிக அளவில் கலந்துகொள்ளவில்லை. பொதுமக்களும் அதிக அளவில் கலந்துகொள்ளவில்லை. அதிகாரிகள் அஞ்சலி செலுத்தினார்கள் என்பது குறிப்பிடத்தக்கது.

Views: - 392

0

0