பேத்தி வயது சிறுமியை பாலியல் வன்கொடுமை செய்த முதியவர்

1 December 2020, 8:15 pm
Quick Share

திருப்பத்தூர்: வாணியம்பாடி அருகே 6 வயது சிறுமியை கடத்தி சென்று வீட்டில் வைத்து பாலியல் வன்கொடுமை செய்த 55 வயது முதியவரை போலீசார் கைது செய்து விசாரணை நடத்தி வருகின்றனர்.

திருப்பத்தூர் மாவட்டம் வாணியம்பாடி அடுத்த கொத்தக்கோட்டை பகுதியில் தெருவில் விளையாடி கொண்டிருந்த 6 வயது சிறுமி காணாமல் போனதைக் கண்டு அதிர்ச்சியடைந்து பெற்றோர்கள் அப்பகுதியில் தேடிக் கொண்டிருந்தனர். அப்போது சிறுமியை கடத்தி சென்று அதே வீதியில் உள்ள கண்ணம்மாள் என்பவரின் வீட்டில் வைத்து அதே பகுதியை சேர்ந்த ராமசாமி(55) என்பவர் பாலியல் வன்கொடுமை செய்துள்ளதை கண்டு அதிர்ச்சி அடைந்து பெற்றோர்கள் அவரை சரமாரியாக தாக்கியுள்ளனர்.

மேலும் காவல் துறையினருக்கு தகவல் அளித்துள்ளனர். தகவலறிந்து சென்ற வாணியம்பாடி கிராமிய காவல்துறையினர் சிறுமியிடம் பாலியல் வன்கொடுமையில் ஈடுபட்ட அதே பகுதியை சேர்ந்த ராமசாமி (55) என்பவரை கைது செய்து கடத்தல், பாலியல் வன்கொடுமை, போக்சோ உள்ளிட்ட 3 பிரிவுகளின் கீழ் வழக்குப்பதிவு செய்து வாணியம்பாடி குற்றவியல் நீதிமன்றத்தில் நீதிபதி காளிமுத்துவேல் முன் ஆஜர்படுத்தப்பட்டு சிறையில் அடைத்தனர்.

மேலும் பாதிக்கப்பட்ட சிறுமியை சிகிச்சைக்காக வாணியம்பாடி அரசு மருத்துவமனையில் சேர்க்கப்பட்டு பின்னர் மேல் சிகிச்சைக்காக வேலூர் அழைத்து செல்லப்பட்டார். வாணியம்பாடி அருகே தெருவில் விளையாடி கொண்டிருந்த 6 வயது சிறுமியை கடத்தி சென்று வீட்டில் வைத்து பாலியல் வன்கொடுமையில் ஈடுபட்ட 55 முதியவரை கைது செய்த சம்பவம் அப்பகுதி மக்களிடையே பெரும் அதிர்ச்சியையும் பரபரப்பையும் ஏற்படுத்தியுள்ளது.

Views: - 17

0

0