நோயாளிகள் ஆக்ஸிஜன் பற்றாக்குறையால் உயிரிழக்கவில்லை: மாவட்ட ஆட்சியர் சண்முகசுந்தரம் விளக்கம்

19 April 2021, 8:13 pm
Quick Share

வேலூர்: வேலூர் அரசு மருத்துவ கல்லூரி மருத்துவமனையில் ஆக்சிஜன் பற்றாக்குறையால் நோயாளிகள் உயிரிழந்தனர் என்ற தகவல் தவறானது என மாவட்ட ஆட்சியர் சண்முகசுந்தரம் விளக்கம் அளித்துள்ளார்

வேலூர் மாவட்டம் அரசு மருத்துவக் கல்லூரி மருத்துவமனையில் ஆக்சிஜன் பற்றாக்குறையால் 5க்கும் மேற்பட்ட நோயாளிகள் உயிரிழந்துவிட்டதாக சமூக ஊடகங்களிலும் வதந்திகள் பரவியது. இதுதொடர்பாக உயிரிழந்தவர்களின் உறவினர்கள் ஆக்சிஜன் பற்றாக்குறையால் தான் உயிரிழந்ததாகவும், நோயாளிகளை அலைக்கழிக்க வைப்பதாகவும் போதிய மருந்துகள் இல்லை எனவும் குற்றம் சாட்டியுள்ளனர். இதுதொடர்பாக விளக்கம் அளித்த வேலூர் மாவட்ட ஆட்சியர் சண்முகசுந்தரம் கூறியதாவது:- வேலூர் அரசு மருத்துவ கல்லூரி மருத்துவமனையில் ஆக்சிசன் தட்டுப்பாடு காரணமாக நோயாளிகள் உயிரிழந்ததாக தகவல்கள் வந்துள்ளன. ஆக்சிஜன் பற்றாக்குறையால் 4 நோயாளிகள் உயிரிழந்ததாக வந்த தகவல் தவறானது.

கொரோனா சிகிச்சையில் இருந்த 3 நோயாளிகள் சிகிச்சை பெற்று தற்போது நெகட்டிவாகி சிகிச்சை பெற்று வந்தவர்கள். மற்றொருவர் கொரோனா நோய்க்கு சிகிச்சை பெற்று வந்தவர். உயிரிழந்தவர்களில் 82 வயதான முதியவர் ஒருவர் காப்பாற்ற முடியாது என்ற சூழ்நிலையில் அவருக்கு சிகிச்சை அளிக்கப்பட்டு வந்தது. இரண்டு பேர் இறுதியில் இருதய நோய்க்கும் ஒருவர் சிறுநீரக பாதிப்பு காரணமாக சிகிச்சை பெற்று வந்தவர்கள். சிகிச்சை பலனின்றி உயிரிழந்தார்களே தவிர அவர்களுக்கு ஆக்சிசன் பற்றாக்குறை என்ற நிலை இல்லை. அரசு மருத்துவமனையில் 59 கொரோனா நோயாளிகள் உட்பட 121 பேர் ஆக்சிசன் உதவியுடன் சிகிச்சை பெற்று வருகின்றனர்.

ஆக்சிசன் பற்றாக்குறை என்றால் அனைவருக்குமே பாதிப்பு ஏற்பட்டிருக்கும் பிற நோய்கள் அனைவரும் நல்ல உடல் நலத்துடன் சிகிச்சை பெற்று வருகின்றனர். அரசு மருத்துவமனையில் நோயாளிகள் சரிவர கவனிக்கப்படுவதில்லை என்ற உறவினர்களின் குற்றச்சாட்டு குறித்து விசாரணை நடத்தப்படும் என வேலூர் மாவட்ட ஆட்சியர் சண்முகசுந்தரம் தெரிவித்துள்ளார். வேலூர் அரசு மருத்துவ கல்லூரி மருத்துவமனையில் கடந்த 24 மணி நேரத்தில் மொத்தம் ஏழு பேர் பல்வேறு நேரங்களில் உயிரிழந்துள்ளதாகவும் ஆட்சியர் தெரிவித்துள்ளார்.

Views: - 23

0

0