கடுமையான சரிவை சந்தித்த தக்காளி விலை: விவசாய நிலங்களில் அழுகி வரும் தக்காளி பழங்கள்

12 November 2020, 1:39 pm
Quick Share

தருமபுரி: தருமபுரி மாவட்டத்தில், தக்காளி விலை கடுமையாக குறைந்து உரிய விலை கிடைக்காததால், விவசாய நிலங்களில் அறுவடை செய்யப்படாமல் தக்காளி பழங்கள் அழுகி வருவதால் விவசாயிகள் வேதனை அடைந்துள்ளனர்.

தருமபுரி மாவட்டத்தில், பாலக்கோடு, மாரண்டஅள்ளி, அரூர், பாப்பிரெட்டிப்படட்டி உள்ளிட்ட பகுதிகளில் அதிகளவில் தக்காளி சாகுபடி செய்யப்பட்டு வருகின்றனர். இங்கு சாகுபடி செய்யப்படும் தக்காளி பெங்களுர்,கேரளா, கேவை, ஈரோடு உள்ளிட்ட பகுதிகளுக்கு விற்பனைக்கு அனுப்படுகிறது. தக்காளியில் நல்ல லாபம் கிடைப்பதால் மாவட்டத்தில் பெரும்பாலன விவசாயிகள் தக்காளியே பிரதான பயிராக சாகுபடி செய்து வருகின்றனர். கடந்த சில மாதங்களுக்கு முன்பு ஒரு கிலோ தக்காளி 50 ரூபாயிலிருந்து 100 ரூபாய் வரை மார்க்கெட்டில் நல்ல விலைக்கு விற்பனை செய்யபட்டது. இதனால் விவசாயிகள் மகிழ்ச்சிடைந்தனர்.

தக்காளியின் விலை தொடர்ந்து ஏறுமுகமாகனவே இருந்ததால் தர்மபுரி மாவட்டத்தில் விவசாயிகள் வழக்கமாக பயிரிடுவதை விட அதிகளவில் பயிரிட்டுள்ளனர். இதனால் தக்காளி வரத்து அதிகரித்துள்ளதால் தற்போது தக்காளியின் விலை படிப்படியாக குறைந்து ஒரு கிலோ தக்காளி 2 ரூபாயிலிருந்து 6 ரூபாய்க்கு இடைத்தரகர் விவசாயிகளிடம் விலைக்கு கேட்பதால், அறுவடை செய்யபடும் கூலி மற்றும் போக்குவரத்து செலவுக்குகூட பணம் கிடைக்காததால் விவசாய நிலங்களில் பயிரிட்டு அறுவடைக்கு தயாரக இருக்கும் தக்காளிகளை விவசாயிகள் அறுவடை செய்யாமல், விளை நிலங்களிலியே அப்படியே விட்டுள்ளதால்,

கால்நடைகளுக்கு உணவாகவும், தக்காளி பழங்கள் அழுகியும் வீணாகி வருகிறது. இதனால் தக்காளி சாகுபடியில் விவசாயிகளுக்கு கடும் இழப்பு ஏற்பட்டுள்ளது. தக்காளியில் அதிக லாபம் கிடைக்கும் என்ற எண்ணத்தில் விவாயிகள் ஒரே நேரத்தில் தக்காளியை பயிரிட்டுள்ளதின் காரணமாக தக்காளி வரத்து அதிகரித்து தக்காளியின் விலை தற்போது கடுமையாக குறைந்துள்ளதால் விவசாயிகள் வேதனையடைந்துள்ளனர்.

இதனால் தோட்டக்கலை துறையினர் விவசாயிகள் ஒரே நேரத்தில் ஒரே பயிரை சாகுபடி செய்யாமல் மாற்று பயிர் செய்து லாபம் கிடைக்கும் வகையில் உரிய பயிற்சியும் ஆலோசனையும் விவசாயிகளுக்கு வழங்க வேண்டும் என விவசாயிகள் கோரிக்கை விடுத்துள்ளனர்.

Views: - 32

0

0