குழந்தைகள் பாதுகாப்பு இல்லத்தில் மாநில குழந்தை உரிமைகள் பாதுகாப்பு ஆணையத்தின் உறுப்பினர் ஆய்வு

9 April 2021, 7:12 pm
Quick Share

தருமபுரி: மாநில குழந்தை உரிமைகள் பாதுகாப்பு ஆணையத்தின் உறுப்பினர் முனைவர் ராமராஜ் இன்று தருமபுரி அடுத்த தொப்பூர் சுங்கசாவடி அருகே உள்ள வள்ளலார் குழந்தைகள் பாதுகாப்பு இல்லத்திற்கு நேரில் சென்று ஆய்வு செய்தார்.

மாநில குழந்தை உரிமைகள் பாதுகாப்பு ஆணையத்தின் உறுப்பினர் முனைவர் ராமராஜ் இன்று தருமபரி மாவட்டத்தில் உள்ள குழந்தைகள் பாதுகாப்பு இல்லங்களில் ஆய்வு மேற்கொண்டார். அப்போது, தருமபுரி மாவட்டத்தில் உள்ள 24 அங்கீகரிக்கப்பட்ட குழந்தை பாதுகாப்பு இல்லங்கள் உள்ளன. இதில் கொரோனாவிற்கு முன்பு 1200 குழந்தைகள் இருந்தனர். தற்போது சிறிது குறைவான எண்ணிக்கையில் தான் குழந்தைகள் உள்ளனர். சிறுவர் நீதிசட்டப்படி பதிவு செய்யப்பட்டு செயல்படும் குழந்தை பாதுகாப்பு இல்லங்களில் குழந்தைகளுக்கு உரிய வசதி செய்யப்பட்டுள்ளதா, கழிவறை, குளியல் அறை, தங்கும் அறை, முதல் உதவி சிகிச்சை பிரிவு உள்ளிட்ட உள்கட்டமைப்புகள் உள்ளதா என்றும், நடைமுறைகள் அனைத்தும் பின்பற்றப்படுகிறதா என்றும்,

தர்மபுரி மாவட்டத்தில் உள்ள குழந்தைகள் இல்லங்களில் ஆய்வு செய்தனர். இங்கு தங்கியுள்ள குழந்தைகளுக்கு உரிய ஆவணம் உள்ளதா, தங்கும் அனுமதி, குறைகள் உள்ளதா என்றும் ஆவணங்கள் சரிபாத்தனர். தர்மபுரி மாவட்டத்தில் குழந்தைகள் பாதுகாப்பு குழு சிறப்பாக செயல்பட்டு வருகிறது. சிறுவர் நீதி சட்டப்படி ஒவ்வொரு மாவட்டத்திலும் சிறப்பு காவல் நிலையம் ஏற்படுத்த அறிவுறுத்தப்பட்டுள்ளது. தர்மபுரி மாவட்டத்தை பொறுத்தவரை குழந்தை திருமணங்கள் குறைந்துள்ளன. குழந்தை திருமணத்தை தடுக்க பெற்றோர், மாணவ, மாணவிகளிடம் விழிப்புணர்வு ஏற்படுத்துதல் மட்டுமே சரியான தீர்வாக இருக்கும். பாலியல் வன்கொடுமையால் பாதிக்கப்பட்ட குழந்தைகளுக்கு நிவாரணமாக போக்சோ சட்டத்தின் கீழ் ரூ.4 கோடியே 42 லட்சம் நிவாரணம் வழங்க நீதிமன்றம் உத்தரவிட்டுள்ளது என்றும்,

மேலும் குழந்தைளை பாதுகாப்பு மையத்தில் சேர்க்க விரும்புவர்களில் பலர் குழந்தைகளை அழைத்துக்கொண்டு இந்த மையத்தை அணுக தொலைவாக உள்ளது. எனவே, எளிதில் அணுகும் வகையில் மையம் அமைந்திருக்க வேண்டும். தர்மபுரி மாவட்டத்தை பொறுத்தவரை குழந்தை நல பாதுகாப்பு மாவட்ட குழுவிற்கு ஒரு தனி கட்டிடம் மாவட்ட ஆட்சியர் அலுவலகம் அருகே அமைய வேண்டும் என கருதுகிறோம். தருமபுரி மாவட்டத்தில் கடந்த 2019ம் ஆண்டு 329 வழக்குகளும், 2020ம் ஆண்டு 238 புகார்கள் கண்காணிக்கப்பட்டுள்ளது. 2021ம் ஆண்டு 81 புகார்களும் கையாளப்பட்டுள்ளது என்று அவர் தெரிவித்தார். இந்த ஆய்வின் போது மாவட்ட குழந்தைகள் பாதுகாப்பு அலுவலர் சிவகாந்தி, குழந்தைகள் பாதுகாப்பு துணை காவல் கண்காணிப்பாளர் ரவிகுமார், உள்ளிட்ட அரசு அலுவலர்கள் மற்றும் தன்னார்வலர்கள்; உடன் இருந்தனர்.

Views: - 43

0

0