மன்னார்குடி அரசு மருத்துவமனையில் மூலிகை நீராவி மையம் திறப்பு

15 May 2021, 2:31 pm
Quick Share

திருவாரூர்: தமிழகத்திலேயே முதல் முறையாக கொரோனா பாதித்த நோயாளிகளுக்கு சிகிச்சை அளிப்பதற்காக மன்னார்குடி அரசு மருத்துவமனையில் மூலிகை நீராவி மையம் திறக்கப்பட்டுள்ளது.

திருவாரூர் மாவட்டம் மன்னார்குடி உள்ள மாவட்ட அரசு தலைமை மருத்துவமனை நிர்வாகத்துடன் இணைந்து இந்தியன் ரெட் கிராஸ் சொசைட்டி, நேசக்கரம் பொதுநல அமைப்பு சார்பில் மூலிகை நீராவி சிகிச்சை மையம் அமைக்கப்பட்டுள்ளது.இதற்கான தொடக்க விழா நிகழ்ச்சி இன்று நடைபெற்றது. தலைமை மருத்துவர் விஜயகுமார் தலைமையில் நடைபெற்ற நிகழ்ச்சியில் கொரோனா தொற்றால் பாதித்து சிகிச்சை பெற்று வரும் நோயாளிகளுக்கு நீராவி சிகிச்சை அளிக்கப்பட்டது. தினசரி மாலை வேளைகளில் இரண்டு மணி நேரம் கொரோனா நோயாளிகளுக்கு மட்டும் இந்த சிகிச்சை மருத்துவ மனையில் வழங்கப்படும்.நொச்சி, துளசி, கற்பூரவள்ளி, தும்பை, வேம்பு,உள்ளிட்ட மூலிகைகள் தினசரி ஒவ்வொன்றாக நீராவி மூலம் சிகிச்சைக்கு பயன்படுத்தப்படும்.தமிழகத்திலேயே முதல் முறையாக மன்னார்குடி மாவட்ட அரசு மருத்துவமனையில் கொரோனா நோயாளிகளுக்கு நீராவி சிகிச்சை தொடங்கப்பட்டுள்ளது என்பது குறிப்பிடத்தக்கது.

Views: - 40

0

0