திருச்சி குழுமாயி அம்மன் கோவில் குட்டிக்குடி திருவிழா: ஏராளமான பக்தர்கள் கலந்து கொண்டு சாமி தரிசனம்

4 March 2021, 5:19 pm
Quick Share

திருச்சி: திருச்சி குழுமாயி அம்மன் கோவில் குட்டிக்குடி திருவிழாவில் ஏராளமான பக்தர்கள் கலந்து கொண்டு சாமி தரிசனம் செய்தனர்.

திருச்சி உய்யகொண்டான் வாய்க்கால் கரையில் ஆறு கண் பாலம் அருகில் அமைந்து உள்ளது குழுமாயி அம்மன் கோவில். சோழ மன்னர்களின் குல தெய்வமாக வணங்கப்பட்டு தற்போது திருச்சி நகர காவல் தெய்வமாக விளங்கும் குழுமாயி அம்மன் கோவில் வருடாந்திர தேர் திருவிழா மிகவும் பிரசித்தி பெற்றதாகும். இந்த ஆண்டு திருவிழா கடந்த பிப்ரவரி மாதம் 16-ந்தேதி காப்பு கட்டுதலுடன் தொடங்கியது. விழாவின் முக்கிய நிகழ்ச்சியான குட்டி குடித்தல் இன்று நடைபெற்றது. இதனையொட்டி புத்தூர் மந்தையில் அம்மன் மேளதாளங்கள் முழங்க அழைத்து வரப்பட்டார்.

அப்போது பக்தர்களின் தோள் மீது அமர்ந்தபடி இருந்த மருளாளியை பக்தர்கள் ஊர்வலமாக தூக்கி கொண்டு வந்தனர். அப்போது மந்தைக்கு முன் உள்ள தேரின் அருகில் மருளாளி வந்ததும் மருளாளி ஆட்டுக்குட்டியின் ரத்தத்தை குடித்து பக்தர்களுக்கு அருள் வாக்கு கூறினார். முன்னதாக அரசு சார்பில் மாவட்ட நிர்வாகத்தினால் வழங்கப்பட்ட ஆட்டு குட்டியின் ரத்தத்தை மருளாளி முதலில் குடித்தார். அதனைத்தொடர்ந்து பக்தர்கள் நேர்த்திக்கடனாக வழங்கப்பட்ட ஆட்டுக்குட்டிகள் பலியிடப்பட்டது.

Views: - 37

0

0