ஒகேனக்கல் காவிரி ஆற்றில் நீர்வரத்து அதிகரிப்பு…! சுற்றுலா பயணிகளுக்கு தடைவிதிக்க வாய்ப்பு…!!!

Author: kavin kumar
3 October 2021, 3:28 pm
Quick Share

தருமபுரி: கர்நாடகா மற்றும் தமிழக காவிரி நீர் பிடிப்பு பகுதிகளில் பெய்து வரும் மழையின் காரணமாக ஒகேனக்கல் காவிரி ஆற்றில் வினாடிக்கு, 18 ஆயிரம் கன அடியாக அதிகரித்துள்ளது.

கடந்த சில வாரங்களாக கர்நாடகா மற்றும் தமிழக காவிரி நீர் பிடிப்பு பகுதிகளில் பெய்து வரும் மழையின் காரணமாக கர்நாடக மாநிலத்தில் உள்ள கே.ஆர்.எஸ். கபிணி அணைகளுக்கு நீர் வரத்து அதிகரித்தால் அணைகளின் பாதுகாப்பு கருதி உபரி நீர் தமிழகத்திற்கு செல்லும் காவிரி ஆற்றில் திறந்துவிடப்பட்டு வந்தது. இதனால் தமிழக எல்லையான பிலிகுண்டுலுவிற்கு வினாடிக்கு 16 ஆயிரம் கன அடியாக வந்துக்கொண்டிருந்தது. காவிரி நீர் பிடிப்பு பகுதிகளில் மழை பெய்வது குறைந்ததால் கடந்த இரண்டு நாட்களாக பிலிகுண்டுலுவிற்கு நீர் வரத்து குறைந்து வினாடிக்கு 10 ஆயிரம் கனஅடியாக நேற்று முன்தினம் வந்துக்கொண்டிருந்த நிலையில்,

கர்நாடக மற்றும் தமிழக காவிரி நீர் பிடிப்பு பகுதிகளில் மீண்டும் மழை பெய்யத்துவங்கி உள்ளதால்,நேற்றிலிருந்து பிலிகுண்டுலுவிற்கு படிப்படியாக நீர் வரத்து அதிகரித்துக்கொண்டே வந்தது. இன்று காலை 8 மணி நிலவரப்படி 16 ஆயிரம் கன அடியாக இருந்த நீர் வரத்து 10 மணி நிலவரப்படி 18 ஆயிரம் கன அடியாக நீர் வரத்து அதிகரித்துள்ளது. தொடர்ந்து நீர் வரத்து அதிகரிப்பால் ஒகேனக்கல்லில் உள்ள ஐந்தருவி, சினிஅருவி, தொடர்அருவி,மெயின் அருவி உள்ளிட்ட அருவிகளில் தண்ணீர் ஆர்பரித்துக்கொட்டுகிறது. காவிரி நீர் பிடிப்பு பகுதிகளில் தொடர்ந்து மழை பெய்து வருவதால் காவிரி ஆற்றில் நீர் வரத்து மேலும் அதிகரிக்கூடும் என எதிர்ப்பார்க்கப்படுகிறது. இதனால் ஒகேனக்கல்லுக்கு சுற்றுலா பயணிகள் வருவதற்கு தடைவிதிக்க வாய்ப்புள்ளது

Views: - 228

0

0