பிரம்மபுத்திரா நதியின் குறுக்கே மிகப்பெரிய அணை..! இந்தியாவுக்கு ஷாக் கொடுத்த சீனா..!

30 November 2020, 11:58 am
brahmaputra_river_updatenews360
Quick Share

திபெத்தில் பிரம்மபுத்திரா நதியில் சீனா ஒரு பெரிய நீர்மின் திட்டத்தை உருவாக்க உள்ளதாகவும், அதற்கான திட்டம் அடுத்த ஆண்டு முதல் செயல்படுத்தப்படவுள்ள 14’வது ஐந்தாண்டு திட்டத்தில் தெளிவாக முன்வைக்கப்பட்டுள்ளது என்று சீனாவின் அதிகாரப்பூர்வ ஊடகங்கள் தெரிவித்துள்ளன.

சீனாவின் பவர் கன்ஸ்ட்ரக்ஷன் கார்ப்பரேஷனின் தலைவர் யான் ஜியோங், சீனா யர்லுங் ஜாங்போ (பிரம்மபுத்திராவின் திபெத்திய பெயர்) ஆற்றின் கீழ் பகுதியில் நீர்மின்சக்தி திட்டம் மற்றும் நீர்வளம் மற்றும் உள்நாட்டு பாதுகாப்பை பராமரிக்க உதவும் வகையில் மிகப்பெரிய அணை கட்ட முடிவு செய்யப்பட்டுள்ளதாகத் தெரிவித்தார்.

கடந்த வியாழக்கிழமை ஒரு மாநாட்டில் பேசிய யான், நாட்டின் 14’வது ஐந்தாண்டுத் திட்டத்தை (2021-25) வகுக்கும் திட்டங்களிலும், ஆளும் கம்யூனிஸ்ட் கட்சியின் மத்திய குழுவால் 2035’க்குள் அதன் நீண்ட கால இலக்குகளையும் தெளிவாக முன்வைத்துள்ளார்.

சீன கம்யூனிஸ்ட் இளைஞர் கழகத்தின் மத்திய குழுவின் வி சாட் கணக்கில் ஞாயிற்றுக்கிழமை இது தொடர்பாக ஒரு கட்டுரை வெளியாகியுள்ளது.

“வரலாற்றில் இதற்கு இணையாக எதுவும் இல்லை. இது சீன நீர்மின்சாரத் தொழிலுக்கு ஒரு வரலாற்று வாய்ப்பாக இருக்கும்” என்று யான் சீனா சொசைட்டி ஃபார் ஹைட்ரோபவர் இன்ஜினியரிங் நிறுவப்பட்ட 40’வது ஆண்டு நிறைவைக் கொண்டாட ஏற்பாடு செய்யப்பட்ட மாநாட்டில் கூறினார்.

14’வது ஐந்தாண்டுத் திட்டம் (2021-2025) மற்றும் தேசிய பொருளாதார மற்றும் சமூக மேம்பாடு மற்றும் 2035’ஆம் ஆண்டின் நீண்ட தூர நோக்கங்கள் ஆகியவை கடந்த மாதம் சீன கம்யூனிஸ்ட் கட்சியின் முக்கிய கொள்கை அமைப்பான பிளீனால் ஏற்றுக்கொள்ளப்பட்டன.

அடுத்த ஆண்டு தொடக்கத்தில் தேசிய மக்கள் காங்கிரஸ் முறையாக ஒப்புதல் அளித்த பின்னர் திட்டத்தின் விவரங்கள் வெளியிடப்படும் என்று எதிர்பார்க்கப்படுகிறது.

பிரம்மபுத்திரா மீது சீனா மேற்கொள்ளும் அணைகளுக்கான திட்டங்கள் இந்தியாவிலும் பங்களாதேஷிலும் எதிர்ப்புகளைத் தூண்டியுள்ளது. ஆனால் சீனா அவர்களின் நலன்களை மனதில் வைத்திருப்பதாகக் கூறி இதுபோன்ற எதிர்ப்புகளை நிராகரித்துள்ளது.

Views: - 23

0

0