தொடர்ந்து இதே போல் நடந்தால் சிரியா மீது வான்வழித் தாக்குதல் நடக்கும்..! இஸ்ரேல் பிரதமர் மிரட்டல்..!

20 November 2020, 8:38 am
Israel_PM_UpdateNews360
Quick Share

போரினால் பாதிக்கப்பட்ட நாட்டில் ஈரான் தொடர்ந்து தனது இராணுவ இருப்பைத் தக்க வைத்துக் கொண்டால், சிரியாவில் மேலும் வான்வழித் தாக்குதல்களை நடத்துவதாக இஸ்ரேல் பிரதமர் பெஞ்சமின் நெதன்யாகு எச்சரித்துள்ளார்.

“சிரியாவில் எங்களுக்கு எதிராக ஈரானிய இராணுவத் தாக்குதலை நாங்கள் அனுமதிக்க மாட்டோம். சிரிய பிரதேசத்திலிருந்து எங்களைத் தாக்கும் எந்தவொரு முயற்சியையும் நாங்கள் பொறுத்துக் கொள்ள மாட்டோம்” என்று அவர் கூறியுள்ள்ளார்.

“இன்று காலை, சிரியாவில் குறிப்பிடத்தக்க ஈரானிய குட்ஸ் படை இலக்குகள் மற்றும் சிரிய இராணுவ இலக்குகளை விமானப்படை தாக்கியது” என்று பிரதமர் நெதன்யாகு சிரியாவில் இஸ்ரேலிய வான்வழித் தாக்குதல்கள் நடப்பதை ஒப்புக் கொண்டார்.

நான் பல ஆண்டுகளாக வழிநடத்தி வரும் ஒரு தெளிவான கொள்கையின் ஒரு பகுதியாக இந்த வான்வழி தாக்குதல் நடத்தப்பட்டது என்று அவர் குறிப்பிட்டார். யார் எங்களைத் தாக்க முயற்சிக்கிறார்களோ, அவர்கள் அதன் விளைவுகளைச் சுமப்பார்கள் என்று நெதன்யாகு எச்சரித்தார்.

தலைநகர் டமாஸ்கஸில் சிரிய இராணுவ தளங்களில் நடந்த வான்வழித் தாக்குதல்களில் குறைந்தது 10 சிரிய வீரர்கள் மற்றும் அரசாங்க சார்பு போராளிகள் கொல்லப்பட்டதாக இங்கிலாந்தை தளமாகக் கொண்ட மனித உரிமைகளுக்கான சிரிய கண்காணிப்பகம் தெரிவித்துள்ளது.

சமீபத்திய ஆண்டுகளில், சிரியாவில் ஈரானுடன் தொடர்புடைய இலக்குகளுக்கு எதிராக இஸ்ரேல் நூற்றுக்கணக்கான வான்வழித் தாக்குதல்களை நடத்தியுள்ளது குறிப்பிடத்தக்கது.

1 thought on “தொடர்ந்து இதே போல் நடந்தால் சிரியா மீது வான்வழித் தாக்குதல் நடக்கும்..! இஸ்ரேல் பிரதமர் மிரட்டல்..!

Leave a Reply