சில பாடல்களை நாம் கேட்கும் போது இதை எங்கேயோ கேட்டிருக்கோமே என்று பலமுறை யோசித்து இருக்கின்றோம். அப்படி பழைய பட பாடல்களை இப்போது ரீமேக் செய்யும் கலாச்சாரம் அதிகமாக இருந்து வருகிறது. ஆனால் கடவுள் பாட்டையே காதல் பாட்டாக மாற்றிய சில இசையமைப்பாளர்களும் அந்த வரிசையில் இருக்கிறார்கள். அந்த வகையில் ஆத்தாவே சூலாயுதத்தை தூக்கிக்கொண்டு வரும் அளவுக்கு சாமி பாடல்கள் எல்லாம் குத்து பாட்டாக மாற்றி உள்ளனர். அது என்னென்ன என்பதை இங்கு பார்போம்.
தேவா:
பல இன்னிசை பாடல்களை கொடுத்த தேவா கந்த சஷ்டி கவசத்தை காப்பி அடித்து ஒரு பாடலுக்கு மெட்டு போட்டு உள்ளார். அதாவது சரத்குமார், ரோஜா நடிப்பில் வெளிவந்த சூரியன் படத்தில் 18 வயது என்ற ஒரு மார்க்கமான பாடல் வரும். அந்தப் பாடல் கந்த சஷ்டி கவச பாடலான சஷ்டியை நோக்க சரவண பவனார் என்ற பாடலின் காப்பி என்பது பலரும் அறியாத ஒன்று.
ஸ்ரீகாந்த் தேவா:
அப்பா வழியில் வந்த ஸ்ரீகாந்த் தேவா கணபதி பாடலை காப்பியடித்து ஒரு படத்திற்கு மெட்டு போட்டு உள்ளார். அந்த வகையில் எம் குமரன் சன் ஆப் மகாலட்சுமி திரைப்படத்தில் வரும் சென்னை செந்தமிழ் என்ற பாடல் மகா கணபதி என்ற பாடலின் காப்பி தானாம்.
எஸ் ஏ ராஜ்குமார்:
பல காதல் பாடல்களை கொடுத்த எஸ் ஏ ராஜ்குமார் பெருமாளின் ஶ்ரீ ஶ்ரீனிவாசம் என்ற பாடலின் மெட்டை ஒரு படத்திற்கு பயன்படுத்தி இருக்கிறார். அதாவது முரளி, லைலா நடிப்பில் வெளிவந்த காமராசு படத்தில் வரும் பாதி நிலா இன்று பௌர்ணமி ஆச்சு என்ற பாடல் பெருமாள் பாடலின் காப்பியாம்.
யுவன் சங்கர் ராஜா:
பிரபலமான அம்மன் பாடலை ஒரு படத்தில் யுவன் சங்கர் ராஜா பயன்படுத்தி இருப்பார். அதாவது எல் ஆர் ஈஸ்வரியின் குரலில் பக்தி பரவசம் தரும் பாடல் தான் கற்பூர நாயகியே கனகவல்லி பாட்டை யுவன் சங்கர் ராஜா தாமிரபரணி படத்தில் வரும் கருப்பான கையாலே என்ன புடிச்சான் என்ற பாடலில் பயன்படுத்தி உள்ளார்.
தீனா:
செல்லாத்தா செல்ல மாரியாத்தா என்ற பாடலை தீனா ஒரு படத்தில் பயன்படுத்தி இருக்கிறார். சுந்தர் சி நடிப்பில் வெளிவந்த சண்டை படத்தில் தான் இந்த மெட்டு போடப்பட்டு உள்ளது. இந்த ஆத்தா பாடலை அப்படியே உல்ட்டாவாக்கி ஆத்தாடி உன் கண்ணு ரெண்டும் பறக்க வைக்கிற காத்தாடி என்று மாற்றி இருக்கிறார்.
இப்படி இன்னும் பல பாடல்களை இசையமைப்பாளர்கள் தங்களின் இஷ்டத்துக்கு குத்துப் பாடலாக மாற்றி உள்ளார்கள். அதையெல்லாம் இப்போது இசை பிரியர்கள் கண்டுபிடித்து சோசியல் மீடியாவில் பதிவிட்டு கலாய்த்து வருவது குறிப்பிடத்தக்கது.
மதுரை மாவட்டம் உசிலம்பட்டி பாஜக வடக்கு மண்டல் தலைவராக பாலகிருஷ்ணன் என்பவரது பதவி ஏற்பு விழா உசிலம்பட்டியில் உள்ள தனியார்…
யுவன் ஷங்கர் ராஜா இளையராஜாவின் இளைய மகனான யுவன் ஷங்கர் ராஜா, “அரவிந்தன்” திரைப்படத்தின் மூலம் இசையமைப்பாளராக அறிமுகமானவர். தனது…
சென்னையில் நிருபர்கள் சந்திப்பில் பேசிய மத்திய நிதியமைச்சர் நிர்மலா சீதாராமன், ஜிஎஸ்டி கவுன்சில் கூட்டத்தில் ஆலோசித்தது குறித்து பேசினார். நடுத்தர…
லோகி யுனிவர்ஸ் இயக்குனர் லோகேஷ் கனகராஜ் Lokesh Cinematic Universe என்ற ஒன்றை உருவாக்கி கோலிவுட்டில் ஒரு புதிய வரலாற்றையே…
திருவள்ளூர் மாவட்டம் திருத்தணி முருகன் கோயில் மாட வீதியில் வேல் அமைந்துள்ள பகுதியில் காலை பக்தர்கள் தரிசனம் செய்து கொண்டிருந்தனர்.…
கனிமா… தமிழ் சினிமா இசை உலகில் மிகவும் தனித்துவமான இசையமைப்பாளராக இயங்கி வருபவர் சந்தோஷ் நாராயணன். தமிழ் சினிமா இசை…
This website uses cookies.