சென்னை : சர்வதேச செஸ் கூட்டமைப்பின் துணை தலைவராக இருந்தாலும் இன்னும் நிறைய செஸ் போட்டியில் விளையாட ஆர்வமாக இருப்பதாக சர்வதேச செஸ் கூட்டமைப்பின் துணை தலைவர் விஸ்வநாதன் ஆனந்த் தெரிவித்துள்ளார்.
டாட்டா ஸ்டீல்ஸ் நடத்தும் 4வது மகளிர் செஸ் இந்தியா தொடர் இந்த ஆண்டு நவம்பர் 29 முதல் துவங்கி டிசம்பர் 4 வரை கோல்கட்டாவில் நடைபெற உள்ளது. இந்த தொடர் குறித்து சர்வதேச செஸ் கூட்டமைப்பின் துணை தலைவர் விஸ்வநாதன் ஆனந்த் கலந்து கொள்ளும் செய்தியாளர் சந்திப்பு சென்னை எம்ஆர்சி நகரில் உள்ள தனியார் விடுதியில் நடைபெற்றது.
நிகழ்ச்சி மேடையில் டாடா ஸ்டீல் செஸ் இந்தியாவின் தூதர் விஸ்வநாதன் ஆனந்த் பேசியதாவது ;- மிகவும் பெருமையாக இருக்கிறது. செஸ் ஒலிம்பியாட் சென்னையில் நடந்து முடிந்தது. இது எனக்கு மிகவும் பிடித்த டோர்னமென்ட். இன்று செஸ் ஒரு முக்கிய விளையாட்டாக கருதப்படுவதில் நான் மிகவும் மகிழ்ச்சியடைகிறேன். டாடா ஸ்டீல் செஸ் இந்தியா போன்ற போட்டிகள், நமது இளம் வீரர்கள் சர்வதேச கிராண்ட் மாஸ்டர்களுடன் போராடுவது உண்மையில் புதிய சாம்பியன்களை உருவாக்குவதற்கு உதவுகிறது.
இன்று விளையாட்டில் சிறந்து விளங்கும் ஆண்களும், பெண்களும் கொண்ட செஸ் பவர் ஹவுஸாக இந்தியா கருதப்படுகிறது. ஆண்கள் பிரிவிற்கு சமமான பரிசுத் தொகையுடன் பெண்கள் போட்டியை அறிமுகப்படுத்தியது வரவேற்கத்தக்க சிறந்த முன்முயற்சி. சதுரங்கம் சமமான விளையாட்டாக இருக்க வேண்டும், எனவும் கூறினார்.
பின்னர் செய்தியாளர்களை சந்தித்து பேசிய விஸ்வநாதன் ஆனந்த், கொல்கத்தாவில் நவம்பர் 29 முதல் 4வது மகளிர் செஸ் இந்தியா போட்டி துவங்குகிறது என்றும், இந்த போட்டிக்காக மிகவும் ஆர்வமாக இருக்கிறோம் என்றும், சென்னையில் நடந்த செஸ் ஒலிம்பியாட் போட்டிகள் குறித்தும் , பெண்கள் போட்டியில் உக்ரைன், ஜார்ஜியா மற்றும் இந்தியா அணிகள் பதக்கங்களை வென்றுள்ளனர். இது மிகவும் அற்புதமான போட்டி எனவும் தெரிவித்தார்.
குழந்தைகளிடம் செஸ் போட்டியை பிரபலப்படுத்த தொடர்ந்து நடவடிக்கைகள், போட்டிகள் நடத்தப்பட்டு வருவதாகவும், தமிழக அரசும் இணைந்து செயல்பட்டு வருவதாகவும் கூறினார்.
தன்னுடைய அடுத்த போட்டிகள் குறித்து பேசியவர், சர்வதேச செஸ் கூட்டமைப்பின் துணை தலைவராக இருந்தாலும் நிறைய செஸ் போட்டியில் இன்னும் விளையாட ஆர்வமாக இருப்பதாகவும், கிராமப் புறங்களில் மாணவர்களிடம் செஸ் குறித்து கொண்டு சேர்ப்பதற்கு, தமிழக அரசும் வழிகாட்டியாக இணைந்து செய்வதாகவும், கிராமப் புறங்களில் இன்னும் இதை மேம்படுத்தவும், பள்ளிகள் மூலம் மேம்படுத்தலாம், என்று கூறினார்.
ரசிகர்களை கவர்ந்த டீசர் சசிகுமார், சிம்ரன் ஆகியோரின் நடிப்பில் நாளை மே தினத்தை முன்னிட்டு திரையரங்குகளில் வெளியாக உள்ள திரைப்படம்…
திருமணமானவுடன் தனது பிறந்நாளை சரக்கு பார்ட்டியுடன் பிரியங்கா கொண்டாடிய வீடியோ இணையத்தில் வைரலாகி வருகிறது. இதையும் படியுங்க: தலைக்கேறிய மது…
சமீபத்தில் அஜித்தின் குட் பேட் அக்லி படம் வெளியானது. ரசிகர்கள் மத்தியில் வரவேற்பை பெற்ற இந்த படம் வசூலில் பட்டையை…
தொடங்கியது சீசன் 6 தமிழர்களின் ஸ்ட்ரெஸ் பஸ்டராக திகழ்ந்து வரும் குக் வித் கோமாளி நிகழ்ச்சியின் 6 ஆவது சீசன்…
கார்த்தி-தமன்னா ஜோடி “பையா” திரைப்படத்தில் தமன்னாவோட ஏற்பட்ட கெமிஸ்ட்ரி அதனை தொடர்ந்து கார்த்திக்கு வேறு எந்த நடிகையுடனும் ஏற்படவில்லை என்றே…
பாரதிய ஜனதா கட்சியின் மாநில தலைவர் நயினார் நாகேந்திரன் தூத்துக்குடி விமான நிலையத்தில் செய்தியாளர்களை சந்தித்தார். இதையும் படியுங்க: இட்லி…
This website uses cookies.