"ஜீ குழும நிறுவனர் சுபாஷ் சந்திரா பெற்ற ரூ.22,000 கோடி வங்கிக் கடன் தொடர்பான தள்ளுபடி" - தீர்ப்புக்கு அதிரடி தடை!

புதுடெல்லி, செப்டம்பர் 1:

ஜீ மற்றும் எஸ்ஸல் குழுமத்தின் நிறுவனரான சுபாஷ் சந்திராவுக்கு எதிரான ரூ.22,000 கோடி கடன் விவகாரத்தில், அவருக்குச் சாதகமாக அளிக்கப்பட்ட முந்தைய கடன்தீர்வுத் திட்டத் தீர்ப்புக்கு தேசிய நிறுவனச் சட்டத் தீர்ப்பாயத்தின் 5 பேர் கொண்ட சிறப்பு அமர்வு இன்று (செப். 1) அதிரடியாகத் தடை விதித்துள்ளது.

 

வழக்கின் பின்னணி:

பல்வேறு வங்கிகள் மற்றும் நிதி நிறுவனங்களில் ஜீ குழும நிறுவனங்கள் வாங்கிய கடன்களுக்கு, அதன் நிறுவனர் சுபாஷ் சந்திரா 'தனிநபர் உத்தரவாதமளிப்பவராக' கையெழுத்திட்டிருந்தார். நிறுவனங்கள் திவாலானதால், கடனை அடைக்கும் பொறுப்பு அவருக்கு வந்தது.

அவர் மீது மொத்தம் ரூ.22,006 கோடி அளவிலான கோரிக்கைகளை கடன் வழங்கிய நிறுவனங்கள் முன்வைத்தன.

ஆனால் கடந்த வாரம் (ஆகஸ்ட் 25), தேசிய நிறுவனச் சட்டத் தீர்ப்பாயத்தின் ஒரு உறுப்பினர் (நிலேஷ் சர்மா), சுபாஷ் சந்திரா வெறும் ரூ.6.5 கோடியை மட்டும் (ரூ.6.25 கோடி கடனளிப்பவர்களுக்கும், ரூ.25 லட்சம் நீதிமன்றச் செலவுக்கும்) செலுத்திவிட்டு, இந்தப் பெரும் கடனில் இருந்து விடுவித்துக் கொள்ளலாம் எனத் தீர்ப்பளித்தார்.

இது கடன் தொகையில் 99.97% தள்ளுபடி என்பதால், எச்டிஎஃப்சி, எல்ஐசி ஹவுசிங் ஃபைனான்ஸ் உள்ளிட்ட வங்கிகள் இத்தீர்ப்புக்கு கடும் எதிர்ப்புத் தெரிவித்தன.

5 பேர் கொண்ட சிறப்பு அமர்வு அதிரடி தடை:

முந்தைய தீர்ப்பானது தீர்ப்பாய உறுப்பினர்களிடையே ஏற்பட்ட கருத்து வேறுபாட்டால் மூன்றாவதாக ஒரு உறுப்பினரால் வழங்கப்பட்டதாகும்.

இந்நிலையில், இன்று கூடி விசாரித்த தீர்ப்பாயத்தின் 5 பேர் கொண்ட சிறப்பு அமர்வு, "முந்தைய உத்தரவு பெரும்பான்மை உறுப்பினர்களின் கருத்தாக அமையவில்லை; எனவே அந்தத் தீர்ப்பை உடனடியாக நடைமுறைப்படுத்தக் கூடாது" என்று கூறி சுபாஷ் சந்திராவின் ரூ.6.5 கோடி கடன்தீர்வுத் திட்டத்திற்கு அதிகாரப்பூர்வமாகத் தடை விதித்துள்ளது.

வழக்கோடு தொடர்புடைய அனைத்துத் தரப்பினரும் விரிவான விளக்கம் அளிக்க நோட்டீஸ் அனுப்பப்பட்டுள்ளது.

5 பேர் கொண்ட சிறப்பு அமர்வு அதிரடி தடை:

முந்தைய தீர்ப்பானது தீர்ப்பாய உறுப்பினர்களிடையே ஏற்பட்ட கருத்து வேறுபாட்டால் மூன்றாவதாக ஒரு உறுப்பினரால் வழங்கப்பட்டதாகும்.

இந்நிலையில், இன்று கூடி விசாரித்த தீர்ப்பாயத்தின் 5 பேர் கொண்ட சிறப்பு அமர்வு, "முந்தைய உத்தரவு பெரும்பான்மை உறுப்பினர்களின் கருத்தாக அமையவில்லை; எனவே அந்தத் தீர்ப்பை உடனடியாக நடைமுறைப்படுத்தக் கூடாது" என்று கூறி சுபாஷ் சந்திராவின் ரூ.6.5 கோடி கடன்தீர்வுத் திட்டத்திற்கு அதிகாரப்பூர்வமாகத் தடை விதித்துள்ளது.

வழக்கோடு தொடர்புடைய அனைத்துத் தரப்பினரும் விரிவான விளக்கம் அளிக்க நோட்டீஸ் அனுப்பப்பட்டுள்ளது.

அடுத்தகட்ட நகர்வு

சிறப்பு அமர்வு தடை விதித்துள்ள அதே வேளையில், இந்த அதீத கடன் தள்ளுபடி விவகாரத்தை எதிர்த்து வங்கிகள் தரப்பில் தேசிய நிறுவனச் சட்ட மேல்முறையீட்டுத் தீர்ப்பாயத்திலும் அவசர மேல்முறையீடு செய்யப்பட்டுள்ளது. இந்த மேல்முறையீட்டு மனுவும் நாளை (செப். 2) விசாரணைக்கு வரவுள்ளது.

ரூ.22,000 கோடி கடனை வெறும் ரூ.6.5 கோடியில் முடித்துக்கொள்ளலாம் என்ற முந்தைய தீர்ப்பு நாடு முழுவதும் பெரும் சர்ச்சையை ஏற்படுத்தியிருந்த நிலையில், தற்போதைய இந்தத் தடை உத்தரவு பெருநிறுவன மற்றும் வங்கி வட்டாரங்களில் மிக முக்கியத்துவம் வாய்ந்ததாகப் பார்க்கப்படுகிறது.