தினமும் காலையில் வெறும் வயிற்றில் துளசி இலைகளைச் சாப்பிடுவதால் கிடைக்கும் அற்புத நன்மைகள்!

இந்திய கலாச்சாரத்திலும் ஆயுர்வேத மருத்துவத்திலும் ‘மூலிகைகளின் ராணி’ எனப் போற்றப்படும் துளசிக்குத் தனித்துவமான இடம் உண்டு. தினமும் காலையில் வெறும் வயிற்றில் 2 அல்லது 3 துளசி இலைகளை உட்கொள்வதால் பல நோய்களை நம்மிடம் நெருங்க விடாமல் தடுக்க முடியும்.

துளசி தடுக்கும் முக்கிய நோய்களும் உடல்நலப் பயன்களும் -சளி, இருமல் மற்றும் சுவாசக் கோளாறுகள்:

துளசியில் உள்ள 'காம்ஃபீன்' , 'சினிமோல்' மற்றும் 'யூஜெனால்' ஆகிய வேதிப்பொருட்கள் நெஞ்சகச் சளி, இருமல் மற்றும் ஆஸ்துமா போன்ற கப சம்பந்தமான மற்றும் சுவாசப் பிரச்சனைகளைத் தீர்க்கும் சிறந்த இயற்கையான மருந்தாகச் செயல்படுகின்றன.

நோய் எதிர்ப்பு சக்தி குறைபாடு:

துளசியில் வைட்டமின் சி மற்றும் ஜிங்க் சத்துகள் நிறைந்துள்ளன. இது ரத்தத்தில் உள்ள ஆன்டிபாடிகளின் உற்பத்தியை அதிகரித்து, வைரஸ் மற்றும் பாக்டீரியா தொற்றுகளில் இருந்து உடலை அரண்போல் பாதுகாக்கிறது.

மன அழுத்தம் மற்றும் பதற்றம்:

 துளசி ஒரு சிறந்த 'அடாப்டோஜென்'ஆகும். காலையில் துளசியை உட்கொள்வது உடலில் உள்ள கார்டிசோல் என்னும் மன அழுத்த ஹார்மோனின் அளவைக் குறைத்து, மன அமைதியையும் புத்துணர்ச்சியையும் தருகிறது.

இதய நோய்கள்:

 துளசியில் உள்ள ஆன்டி-ஆக்ஸிடன்ட்கள் மற்றும் யூஜெனால் போன்ற மூலக்கூறுகள் ரத்த அழுத்தத்தைக் கட்டுக்குள் வைத்திருக்கவும், கெட்ட கொழுப்பைக் குறைக்கவும் உதவுகின்றன. இதனால் மாரடைப்பு போன்ற இதய நோய்கள் வருவதற்கான அபாயம் குறைகிறது.

நீரிழிவு நோய் (சர்க்கரை வியாதி): இரத்தத்தில் உள்ள சர்க்கரையின் அளவைக் கட்டுப்படுத்தும் திறன் துளசிக்கு உண்டு. இதன் இலைகளைத் தொடர்ந்து சாப்பிட்டு வர, கணையத்தின் செயல்பாடு சீராகி இன்சுலின் சுரப்பு மேம்படும்.

செரிமானக் கோளாறுகள்:

காலையில் வெறும் வயிற்றில் துளசியைச் சாப்பிடுவது இரைப்பையில் உள்ள அமிலத் தன்மையைச் சீராக்கி, செரிமானத்தை மேம்படுத்துவதோடு அல்சர் மற்றும் நெஞ்செரிச்சல் வருவதையும் தடுக்கிறது.

எப்படி உட்கொள்வது சிறந்தது?

தினமும் காலையில் 2 முதல் 3 புதிய துளசி இலைகளைச் சுத்தமான நீரில் கழுவி உட்கொள்ளலாம்.

துளசியில் சிறிதளவு பாதரசம்  மற்றும் இரும்புச்சத்து இருப்பதால், இலைகளைப் பற்களில் படும்படி நீண்ட நேரம் மெல்லுவதைத் தவிர்த்து, லேசாக மென்று உடனே தண்ணீர் குடித்து விழுங்குவது பற்களின் எனாமலுக்கு நல்லது.

இலைகளை அப்படியே சாப்பிடப் பிடிக்காதவர்கள், ஒரு டம்ளர் நீரில் சில துளசி இலைகளைக் கொதிக்க வைத்து வடிகட்டி 'துளசி டீ' ஆகவும் அருந்தலாம்.