EN
தமிழ் சினிமாவில் பிரபல நகைச்சுவை நடிகராக வலம் வந்த நடிகர் மனோ பாலா, நல்ல நடிகரும், இயக்குனரும், சதுரங்க வேட்டை போன்ற தரமான படங்களின் தயாரிப்பாளர் என கோலிவுட் ரசிகர்களின் பிரபலமானவராக இருந்து வருகிறார். பார்ப்பதற்கு ஒல்லியான மெலிந்த உடலமைப்பை கொண்டிருந்த மனோபாலா அதுவே அவரின் காமெடியை ரசிக்கும்படியாக அமைந்து.
ஆனால் உண்மையில் அவரது உடல் இப்படி இருக்க காரணம், அதிகமான சிகரெட் பிடிக்கும் பழக்கமும், குடி பழக்கும் தான். இதை அவரே பேட்டியில் கூட வெளிப்படையாக கூறியிருக்கிறார். சம்பாதிக்கும் பணத்தை மருத்துவரிடம் கொடுத்தே அழித்து வந்துள்ளார். எலும்புகள் எல்லாம் பலவீனமாகி இனிமேல் சிகரெட் பிடித்தீங்கன்னா இறந்துவிடுவீர் என டாக்டர் கூறியதால் எல்லாத்தையும் நிறுத்திவிட்டார்.
ஆனாலும், அவரது உடல் பாதிப்படைந்தது அடைந்தது தான். இதனால் இதனிடையே அவ்வப்போது மாரடைப்பால் அவதி பட்டு வந்தார். இந்நிலையில் திடீரென சற்றுமுன் மரணமடைந்துள்ளார். அவருக்கு வயது 69. இந்த செய்தி கேட்டு ஒட்டுமொத்த திரையுலகமும் அதிர்ந்து விட்டது.
கடந்த 80களில் இயக்குனராகவும் நடிகராகவும் அறிமுகம் ஆகி சுமார் 1000 திரைப்படங்களில் நடித்துள்ள மனோ பாலா கடைசியாக விஜய்யின் லியோ படத்தில் நடித்திருப்பது குறிப்பிடத்தக்கது. இந்நிலையில் தற்போது நடிகர் விஜய் மறைந்த மனோபாலா உடலுக்கு அஞ்சலி செலுத்தி விட்டு அவரது குடும்பத்தாருக்கு ஆறுதல்களை தெரிவித்த வீடியோ தற்போது வைரலாகி வருகிறது.
