EN
விஜய் டிவி தொலைக்காட்சியில் ஒளிபரப்பாகி வரும் அனைத்து சீரியல் தொடர்களுமே ரசிகர்கள் மத்தியில் நல்ல வரவேற்பு கிடைத்து வருகிறது. அந்த வரிசையில், இல்லத்தரசிகள் த்தியில் மிகப்பெரிய வரவேற்பை பெற்று டிஆர்பியில் டாப் மூன்று இடத்திற்குள் எப்போதும் இடம் பிடித்து வரும் தொடர் ‘பாக்கியலட்சுமி’.
குடும்ப பெண்கள் நினைத்தால் எதையும் சாதிக்க முடியும் என்கிற பாசிட்டிவான கண்ணோட்டத்தோடு ஒளிபரப்பாகி வரும் இந்த சீரியல், மற்ற சீரியல்களுக்கு டஃப் கொடுத்து வருகிறது. பாக்கியா கதாபாத்திரத்தில் நடிகை சுசித்ரா நடித்து வருகிறார். இதற்கு இணையான கதாபாத்திரமான ராதிகா என்னும் முக்கிய கதாபாத்திரத்தில், ரேஷ்மா பசுபுலேட்டி நடித்து வருகிறார்.
ஆரம்பத்தில், அப்பாவியாக இருந்த இந்த கதாபாத்திரம் தற்போது சில வில்லத்தனத்தோடு இருப்பது போல ராதிகா கதாபாத்திரம் காட்டப்பட்டு வருகிறது. இதனிடையே, பாக்கியலட்சுமி சீரியலில் சமீபத்தில் நடிகர் ரஞ்சித் புதியதாக என்ட்ரி கொடுத்தார்.
இந்நிலையில், இந்த தொடரின் மூலம் மக்களிடம் நன்கு பிரபலமான கோபி கதாபாத்திரத்தில் நடிக்கும் சதீஸ்க்கு மக்களிடம் நல்ல பெயர் உள்ளது.
கோபி குடிப்பழக்கத்தால் அனைவரையும் கஷ்டப்படுத்தி வர இப்போது ராதிகா பாக்கியா வீட்டிற்குள் சென்று உள்ளார்.
இதனிடையே, ராதிகாவின் அம்மா கோபி வீட்டிற்கு போக சொல்ல அவரும் வந்து இங்கு தினமும் சண்டைகள் போடுகிறார்.
மேலும், வேலையில் பாக்கியாவை வம்பிழுத்த ராதிகாவை கோபியின் தாயார் கடுமையாக திட்டுகிறார், இதனால் சண்டை வெடிக்க கோபியும் ராதிகாவை அவமானப்படுத்துகிறார். இந்த காட்சிகள் தான் இன்றைய எபிசோடில் ஒளிபரப்பாக உள்ளது.
இதனிடையே, ஸ்ரீமோயி என்ற பெங்காலி தொடரின் ரீமேக்காக தான் பாக்கியலட்சுமி சீரியல் ஓடிக் கொண்டு இருக்கிறது, அதில் ஹிந்தி அனுபமா என்ற பெயரில் ரீமேக் ஆகி வருகிறது. அந்த வகையில், தற்போது அனுபமா தொடரில் முக்கிய வேடத்தில் நடித்து வந்த நிதேஷ் பாண்டே மாரடைப்பு ஏற்பட்டு தற்போது உயிரிழந்துள்ளார். இவரின் உயிரிழப்பு செய்தியை கேட்ட ரசிகர்கள் கடும் துக்கத்தில் உள்ளனர்.
